انهاردة هشرح لكم طريقة عمل تورتة حادقة بحشو التونة وكيفية تزيينها بالصور والخطوات وكمان شرح بالفيديو في اخر الوصفة كأنك في مطبخي فتابعوا معايا.
وقبل ما نبدأ احب انوه ان زى ما فى تورتة حلوة فية كمان تورتة حادقة بس بجد الطعم واووو، وليها افكار حشوات كتير مختلفة وطرق تزين كتير حسب الرغبة تقدروا تفننوا وتبدعوا على راحتكم.
وصفة التورتة الحادقة الوصفة دي جميلة جدا وسهلة جدا لكنها مكلفة شوية بسبب المكونات والاضافات الحشوات فيها مختلفة جدا حسب الرغبة انا هنا عملتها بحشو التونة.
ممكن تحشي شاورما الدجاج او سوسيس او اجبان أو لانشون او فاهيتا جمبري او سيمون فيمية يعني حاجات كتير جدا.
المكونات والمقادير
مقادرينا هتكون مفتوحة حسب حجم الصينية ممكن تتعمل في صينية مدورة وممكن مربعة وممكن مستطيلة حسب الرغبة انا هنا عملت مقاس صفير 25 × 15 نحتاج الي:
- المكون الرئيسي في الوصفة والاساسي التوست حوالي باكيت ونصف توست.
- 2 علبة تونة مصفاة من الزيت ومتبلة بملح وفلفل وليمون.
- جبنة كريمي حوالي نصف كيلو انا استعملت كيري اسبريد.
- ممكن اضافة مايونيز معاها حسب الرغبة انا هنا محطتش مايونيز.
- تشكيلة خضار فريش على النحو الاتي: كابوتشى وفلفل وجزر وبصل وزيتون الإضافات مفتوحة.
- كاتشب.
- مستردة.
طريقة عمل تورتة حادقة بحشو التونة
ننزع الاطراف البنية في التوست بالشكل دة ونضرب الجبن الكريمي حتي تكون ناعمة.
نبطن الصينية اللي هنعمل فيها بالنايلون من كل مكان اطراف وارضية حتي نتمكن من قلب التورتة في النهاية ونبدأ برص وحدات التوست اول طبقة.
ثم ندهن طبقة التوست بالجبن الكريمي كويس ونضع جزء من التونة والخضار ونرش مستردة وكاتشب بالشكل دة.
ثم نضع طبقة اخري توست وندهن جبن ونضع حشو وهكذا الي ان تنتهي الطبقات هنعمل 2 طبقة حشو و3 طبقة توست.
ونغلق الفتحات كويس بالتوست واخر طبقة تكون سادة بدون دهان نضغط عليها كويس حتي تتماسك المكونات ونغلفها ونضعها نصف ساعة في الثلاجة ونطلعها نفك النايلون ونقلبها علي طبق التقديم ونبدأ في التزيين.
هنغلفها كلها كويس جدا من فوق ومن الجوانب بالجبن الكريمي.
ومن كل الجوانب بالشكل دة.
نبدأ في التزين الاخير من الجوانب انا حطيت جبن شيدر مقطع ولانشون وصدور رومي مدخن بالتبادل.
ومن فوق بدأت ازين بالخضراوات التزيين حسب الرغبة.
وهكذا الي ان ننتهي وده شكلها النهائي.
ودى أشكال تانية كنت عاملاها للتورتة قبل كده زمان لما كنت بعمل أوردرات الاختلافات فقط في طريقة التزيين.
ودى طريقة تزيين اخرى.
شرح فيديو تورتة بدون فرن حادقة
وده فيديو شرح طريقة عمل التورتة الحادقة بحشو التونة بدون فرن وضحت فيه كل التفاصيل جربوها وهتحوز على اعجباكم.