انهاردة هشرح لكم طريقة عمل القرص الطرية الفلاحى الهشه جدا بتاعة زمان طعم يجنن بالصور والخطوات وكمان شرح بالفيديو فى اخر الوصفة كأنك فى مطبخي فتابعوا معايا. وهنعمل القرص الطرية الفلاحي باللبن الرايب والقشطة الفلاحي الرهيبة.
المكونات والمقادير
- كيلو دقيق.
- ملعقة كبيرة سكر.
- ملعقة كبيرة خميرة فورية.
- ربع معلقة صغيرة ملح.
- نصف ملعقة كبيرة باكينج بودر.
- كوب زبدة مع سمنة فلاحي.
- 4 ملاعق كبيرة قشطة فلاحي طازجة.
- 2 كوب حليب رايب.
طريقة عمل القرص الطرية الفلاحى
نضع المقادير الجافة مع الدقيق المنخول ونقلب.
ثم نضيف الزبدة والقشطة.
ونبدأ بالعجن في العجان او بتليد حسب الرغبة مع اضافة الحليب الرايب حسب ما تحتاج العجينة معاكي.
وبكده نحصل علي عجين طري.
ثم نغطي العجينة ونتركها تخمر ثم نقوم بتشكيل القرص الي كرات صغيرة بحجم اليوسفي او كبيرة حسب الرغبة بس الافضل صغير.
وبعد انتهاء التشكيل نبدأ بفرد كل قطعة علي حدى بنضغط عليها باليد وما نفردهاش كتير لازم تكون سميكة شوية.
نغطيها ونتركها تخمر مرة تانية.
بالشكل ده وتخبز في فرن مشغل مسبقا بتاخد حوالي عشر دقائق.
وده شكلها وهي في الفرن.
نتركها تاخذ لون ذهبي ونخرجها ونغطيها شوية وتقدم بالف هنا.
ده شكلها من فوق.
وده شكلها من تحت.
وهنا قطعت واحدة اوريكم هى قد ايه هشة وطرية جدا جدا من جوه.
وتقدم بالهنا لذيذة جدا مع الجبن او المربي وممكن تتحشي من الداخل بأى نوع حشو تحبوه.
شرح فيديو القرص الطرية الفلاحى الهشة
وده فيديو شرح طريقة عمل القرص الطرية الفلاحى الهشة جدا وضحت فيه كل التفاصيل جربوها وهتحوز على اعجباكم.