انهاردة هشرح لكم طريقة عمل معجنات السبانخ اللذيذة جدا بالصور والخطوات وكمان شرح بالفيديو فى اخر الوصفة فتابعوا معايا.
وهى من المعجنات السهلة طعمها مختلف ولذيذة جدا هنعملها بعجينة العشر دقائق مع اختلافات شوية فى الاضافات.
المكونات والمقادير
هتكون علي مرحلتين على النحو الاتي:
مقادير المجموعة الاولى
- 2 كوب دقيق منخول.
- 2 كوب إلا ربع حليب دافئ وممكن ماء بدل الحليب.
- 2 ملعقة كبيرة لبن بودرة جاف.
- 1 ملعقة كبيرة خميرة.
- ملعقة كبيرة سكر.
- 1 ملعقة صغيرة ملح.
مقادير المجموعة الثانية
- 4 أكواب دقيق.
- ثلث كوب زيت.
- بيضة واحدة.
مقادير حشوة السبانخ
- بصلة كبيرة مفرومة.
- 3 فصوص ثوم مفرومين.
- حوالي نصف كيلو سبانخ.
- ملح وفلفل.
- سماق حسب الرغبة.
طريقة عمل معجنات السبانخ
اولا نضع مقادير المرحلة الاولى مع بعضها ونخلطها.
بالشكل ده ونتركها تخمر.
الي ان تصبح بهذا الشكل.
ثم نضيف مقادير المرحلة الثانية ونعجن العجينة كويس.
بالشكل ده ونغطيها ونتركها تخمر.
وهنا شكلها بعد الخمر.
نحضر الحشوة نشوح البصل والثوم مع ملعقة سمنة والبهارات.
ثم نضيف السبانخ ونتركها تبخر المياه خالص ونتركها تبرد.
نفرد العجينة علي دقيق ونقطعها الي دوائر.
نضع ملعقة من الحشو في منتصف كل دائرة ونغلقها.
وندهن الوجه ويرش بالسمسم.
بالشكل ده.
وتخبز في الفرن الي ان تصبح لونها ذهبي مش بتاخد وقت حوالي نصف ساعة او ثلث ساعة. وتقدم بالهنا.
شرح فيديو معجنات السبانخ
وده فيديو شرح طريقة عمل معجنات السبانخ وضحت فيه كل التفاصيل اتمنى ان ينال اعجابكم.