انهاردة هشرح لكم طريقة عمل سبرنج رول بحشو ميكس جبن بالصور والخطوات بطعم مميز وكمان هيكون فيه شرح بالفيديو في اخر الوصفة كأنك في مطبخي فتابعوا معايا.
ولازم قبل ما نبدأ اننا نعرف ان السبرنج رولز نوع من انواع المعجنات او المقبلات ممكن تتحشي حاجات كتير بس انهاردة انا هقدم ليكم السبرنج رولز بحشو ميكس اجبان طعم مميز جدا.
المكونات والمقادير
- كوب جبن موزاريلا مبشور.
- نصف كوب جبن فيتا.
- لفة اسبرنج رول.
- ربع كوب بقدونس مفروم.
- زيت للقلي.
مكونات خليط اللاصق
- 3 ملاعق ماء.
- معلقة كبيرة نشا.
طريقة عمل سبرنج رول بحشو ميكس جبن
نحضر رقائق السبرنج رولز ونتركها تفك من التجميد ثم نلفها في فوطة مطبخ حتي تصبح طرية ولا تتعرض للهواء وتنشف.
ده شكل النوع اللي استعملته.
نخلط مقادير الحشو الجبنة الموزاريلا والفيتا والبقدونس مع بعض.
ناخذ قطعة من السبرنج رولز ونضع علي الطرف ملعقة كبيرة من الحشو.
ونبدأ نطوي الاطراف الثلاثة.
ثم نمسح الطرف الرابع بخليط اللاصق وهو عبارة عن خلط الماء بالنشا.
ونلف القطعة رول بالشكل دى.
وهكذا في كل الكمية.
تقلى في زيت ساخن.
الي ان تاخذ اللون الذهبي المقرمش ومش بتاخد وقت بسرعة جدا وتقدم بالف هنا.
شرح فيديو السبرنج رول بحشو ميكس جبن
وده فيديو شرح كيفية تحضير السبرنج رول بحشو ميكس جبن يارب يحوز على اعجابكم.