انهاردة هشرح لكم طريقة عمل الحمام المحشي بخلطة مميزة باللحمة المفرومة بالصور والخطوات، وكمان شرح بالتفصيل في الفيديو اخر الوصفة كأنك في مطبخي فتابعوا معايا.
وقبل ما نبدأ احب اقولكم ان الحمام من انواع الطيور المعروفة والمحبوبة جدا في الاكلات وممكن تتحشي فريك وممكن تتحشي أرز بخلطة مع لحمة مفرومة، وبكده وصفة اليوم هتكون حمام محشي بخلطة أرز مع لحمة مفرومة.
المكونات والمقادير
هنستخدم مقادير تكفي لعمل عدد 4 حمامات وهنحتاج الي:
- من ربع كيلو إلي 300 جرام لحمة مفرومة.
- 1 كوب صغير أرز منقوع ومغسول.
- بصلة مفرومة.
- نصف كوب بقدونس.
- 1 حبة طماطم متقطعة مكعبات.
- ملح وفلفل.
- عدد 4 حمامات متنظفين ومغسولين جيدا.
مكونات سلق الحمام
هنستخدم مقادير تكفي لعمل عدد 4 حمامات وهنحتاج الي:
- 1 بصلة مقطعة.
- فصين مستكة.
- فصين حبهان.
- وورقة لورة او لورة بودر حسب الرغبة.
طريقة عمل الحمام المحشي
نضع ملعقة سمنة في طاسة علي النار ونشوح اللحم المفروم مع البصل والطماطم.
ثم نضيف الأرز ونشوح.
ونضبط الملح والفلفل الاسمر ونضيف البقدونس.
ونقلب تقليبه ونطفئ النار وننقل الحشوة في بولة تبرد.
كدة الحمام والحشوة جاهزين نبدأ نحشي الحمام.
هنحشي بطنها من الداخل والمفروض منحطش حشو كتير علشان لسه الأرز هيستوي فيكون في مساحة له لما يستوي ونوسع بين الجلد واللحم بخفة بالاصبع ونحشيها حشو بسيط بردوا وكذلك الرقبة من فوق.
كما بهذا الشكل.
وهكذا مع كل الحمام ثم نغلق فتحة البطن والرقبة بالخيط حتي لا يخرج الحشو.
ونمشي الحمامة تحت المياه علشان تكون نظيفة تماما من اي حشو من الخارج.
كما بهذا الشكل.
نجهز حلة عشان نسلق فيها الحمام ويكون في الحلة ماء ونتركها تغلي علي الماء ونضيف للماء التوابل واللى هي عبارة عن ورقة لورة وفصين حبان وبصلة صغيرة وفصين مستكة وملح بسيط حسب الرغبة.
اول ما يغلي الماء نضع الحمام وننتظر يغلي ثم نشيل اي ريم يظهر علي الوش ونغطي عليهم ونتركهم يستوي.
هنا شكل الحمام بعد ما اتسلق وزي ما احنا شايفين ما اتفتحش ولا اي حاجة لاننا مكترناش في الحشو.
نحمره في سمنة علي النار ويقدم بالهنا.
شرح فيديو الحمام المحشي
وده فيديو شرح طريقة عمل الحمام المحشي اتمنى ان ينال اعجابكم.