انهاردة هشرح لكم طريقة عمل السميط او الكعك التركي بالعجينة الذهبية بالصور والخطوات والشرح بالتفصيل فى الفيديو اخر الوصفة. وطبعا السميط مشهور جدا في تركيا وهو نوع من المخبوزات الطرية بطعم مختلف لذيذة جدا وسهلة جدا جدا.
المكونات والمقادير
- 4 كوب دقيق منخول.
- 2 معلقة كبيرة حليب بودر.
- 1 معلقة كبيرة خميرة فورية.
- معلقة كبيرة سكر.
- ربع معلقة صغيرة ملح.
- معلقة كبيرة زبدة طرية في درجة حرارة الغرفة.
- 1 بيضة.
- كوب حليب دافئ للعجن.
التخميرة
عبارة عن كوب إلا ربع ماء ومعلقتين دقيق نذوبهم علي البارد.
وبعدين نرفعهم علي النار او الميكرويف لحد ما يتحول لخليط يشبة الفازلين.
ولدهان الوجه نحتاج عسل اسود حوالي ربع كوب مخفف بمعلقة ماء كبيرة وسمسم.
وهنا دة شكل التخميرة.
طريقة عمل سميط الكعك التركي
نخلط المقادير الجافة ثم نضيف الزبدة والبيض ونعجن بالحليب حسب ما تاخد معاكي.
بيكون ده شكلها نغطيها ونتركها تخمر ثم نقسم العجينة الي 6 كرات يعني المقدار دة بيعمل 6 كعكات.
وناخد كل كرة نفردها حبل طويل ثم نلفه على بعضه.
بالشكل دة ثم نغلقة دائرة موضح كله في الفيديو هنا.
يرص علي صينية مدهونة زيت بسيط ويترك يخمر تاني وندهن الوش بخليط العسل الاسود ونرش سمسم كتير.
ندخلها فرن حار على درجة حرارة 160 من تحت ونشغل المروحة بتاخد حوالي ربع ساعة حسب فرنك. ونطلعها وتقدم بالهنا رائعة جدا بجد.
شرح فيديو سميط الكعك التركي
وده فيديو شرح طريقة عمل سميط الكعك التركي وضحت فيه كل التفاصيل جربوها وهتحوز على اعجباكم.