انهاردة هشرح لكم طريقة عمل كريب حلو وحادق سريع فى البيت بحشوات مختلفة طعم خطير جدا بالصور والخطوات وكمان هشرحه بالفيديو كأنك فى مطبخى فى اخر الوصفة فتابعوا معايا.
وطبعا الكريب اغلب الشباب والاطفال والكبار بيحبوه وهو مقاديره سهلة جدا وممكن يتحشي حاجات كتير حلو وحادق نشوف المقادير مع بعض.
مقادير عجينة الكريب
- 2 كوب وربع حليب.
- 3 بيضات.
- عصير ليمونة وفانليا.
- 2 معلقة كبيرة سكر.
- 3 ملاعق كبيرة زبدة مذابة.
- 2 كوب الا ربع دقيق منخول وذرة ملح.
مكونات الحشو الحادق
- جبن موزاريلا وجبن شيدر.
- رومي مدخن.
- روز بيف.
- صوص كاتشب او بيج تيستي.
- فراخ استربس او شاورما دجاج او سوسيس وكله يكون مستوي حسب الرغبة.
مكونات الحشو الحلو
- زبدة فول سوداني.
- موز.
- رشة قرفة.
- صوص كراميل.
- ممكن نوتيلا وممكن لوتس.
طريقة عمل كريب حلو وحادق
نحضر وعاء الخلاط ونضع كل المكونات ماعدا الدقيق ونخلط.
وده شكله بعد الخلط.
ثم نضيف الدقيق المنخول ونخلط.
الي ان نحصل علي خليط سائل ناعم ونصفي الخليط.
ونغطيه ونتركه يرتاح لمدة تتراوح بين نصف ساعة الي ساعة.
نحضر طاسة تيفال حسب القطر والحجم اللي احنا عاوزينه.
وندهنها زبدة سايحة وتكون النار متوسطة اقرب للمنخفضة.
نأخذ معيار من سائل الكريب ونقوم بصبه في الطاسة ونحرك الطاسة في كل الاتجاهات ونتركها تتشمع.
بالشكل ده.
ثم تقلب علي الوجه الاخر.
ثانية فقط ونرفعها ثم نضعها في فوطة مطبخ.
الي ان ننتهي من كل الكمية.
ثم نبدأ بعمل الصنف الحلو ناخد قطعة من الكريب وندهنها بزبدة الفول السوداني.
ونرش رشة قرفة ونضع اصابع موز علي الطرف مع رشة صوص كراميل ثم نقوم بلفها رول.
وتقطع دوائر وترش بالصوص.
حتى نحصل على هذا الشكل.
نعمل الصنف الحادق.
ناخذ قطعة من الكريب وتطوي الي نصفين ونضع الحشو المرغوب فيه في المنتصف.
ونطوي الجزء الشمال والجزء اليمين حتى نحصل علي شكل مثلث.
يوضع مرة اخري علي الجريل او الطاسة مع الضغط عليه الي ان تسيح او تذوب الاجبان الموجوده فيه.
وحتى ياخذ طبقة كرسبي من الخارج وبس كده طعمه خطير جدا جدا ويقدم بالهنا والشفا.
شرح فيديو عمل كريب حلو وحادق
وده فيديو شرح طريقة عمل كريب حلو وحادق وضحت فيه كل التفاصيل جربوها وهتحوز على اعجباكم.