طريقة عمل بوريك تركي هتكون وصفة انهاردة واللى هتكون بحشو الدجاج وممكن يتحشى جبن وممكن لحم مفروم حسب الرغبة والطريقة هتكون سهلة جدا وهنستعمل فيها رقائق الجلاش والشرح هيكون زي ما اتعودنا بالصور والخطوات وكمان شرح بالفيديو كأنك فى مطبخي فى اخر الوصفة يالا بينا نشوف الطريقة مع بعض.
المكونات
- باكيت جلاش.
- كيلو دجاج مقطع شرائح رفيعة.
- بصلة مقطعة مكعبات.
- 2 جزر مبشور.
- 2 فلفل مقطع مكعبات.
- عصير ليمونة.
- ملح وفلفل.
- بابريكا.
- ثوم وبصل بودرة.
مقادير تشريبة البوريك
- كوب حليب.
- 2 ملعقة سمنة مذابة.
- 2 ملعقة زيت.
- ملعقة كبيرة دقيق.
- 2 بيض.
- فلفل اسمر وملح.
طريقة عمل بوريك تركي بحشو الدجاج
نجهز صوص التشربية.
نخلط جميع مكوناتها مع بعض في الخلاط ونتركها جانبا.
نبدأ في تجهيز حشو الدجاج.
نحضر جريل او طاسة ونضع فيها ملعقة زيت ونشوح الدجاج مع البهارات والبصل.
نزود الدجاج كوب ماء ونتركها تستوي جيدا ثم نضيف الليمون والجزر والفلفل.
ونقلب الخليط حيدا الي ان نحصل علي حشوة مميزة بالشكل ده.
ونتركها تبرد ونبدأ بعمل البوريك ونحضر اوراق الجلاش.
ونفرد ورقة وندهنها كويس جدا بخليط التشريبة ونضع فوقها ورقة تانية وندهنها ايضا ثم ورقة ثالثة وهكذا.
يعني كل ثلاث ورقات مع بعض.
نضع كمية من الحشو علي طرف الورقة كما بهذا الشكل.
ونبدأ بلف الورقة رول كما بهذا الشكل.
ونرص رولات البوريك في قارب فرن جنب بعضه.
نكمل كل الكمية بنفس الطريقة وفى كل مرة ندهن الورق كويس بالتشربية.
ولما نخلص كل الكمية ونرصها في القارب نسقيها بصوص التشريبة كويس جدا ونقطعها الي اصابع حسب الرغبة.
ندخلها الفرن يا دوب بتاخد ربع ساعة الي ان تأخذ لون ذهبي.
بالشكل الجميل دة شايفين الحشو عامل ازاى من الداخل وتقدم بألف هنا واحلي بوريك تركي بحشو الدجاج.
وممكن كمان نعمل نفس الطريقة ونغير الحشوة باللحم المفروم او الجبن والزيتون او اى حشو تفضلونه حسب الرغبة.
شرح فيديو عمل بوريك تركي بحشو الدجاج
وده فيديو شرح طريقة عمل بوريك تركي بحشو الدجاج وضحت فيه كل التفاصيل جربوها وهتحوز على اعجباكم.