انهاردة هشرح لكم طريقة عمل دونر شاورما الكباب التركي (باللحم) باسهل واطعم طريقة والشرح بالصور والخطوات التفصيلية وكمان هيكون فيه شرح بالفيديو في اخر الوصفة كأنك في مطبخي فتابعوا معايا.
في البداية احب انكم تعرفوا ان الشاورما التركي او ما يطلق عليها دونر الكباب او دونر اللحم من الاطباق التركية الشهيرة وحاليا متوفرة في بلادنا العربية ودلوقتي هنبدأ نتعرف علي المقادير والطريقة بأبسط الخطوات اللى ممكن تتخيلوها.
%20%D8%A8%D8%A7%D9%84%D8%B5%D9%88%D8%B1%20%D9%88%D8%A7%D9%84%D8%AE%D8%B7%D9%88%D8%A7%D8%AA.jpg "طريقة عمل دونر شاورما الكباب التركي باللحم")
المكونات والمقادير
- كيلو من اللحم المفروم.
- 4 ملاعق كبيرة بقسماط ناعم.
- نصف كوب ماء بارد.
- كوب زبادي.
- نصف ملعقة صغيرة باكينج صودا.
- ملعقة كبيرة ملح.
بهارات وهي عبارة عن ملعقة صغيرة من كل مما يلي:
- ثوم بودر.
- بصل بودر.
- بابريكا.
- فلفل اسمر.
- السبع بهارات.
طريقة عمل دونر شاورما الكباب التركي (باللحم)
نحضر وعاء العجان او الكبة ونضع اللحمة.
والتوابل والزبادي والبقسماط يعني كل المكونات ماعدا المياه.
ونخلطها بالمضرب الكف ونعجنها كويس جدا حتي تتداخل المكونات مع بعض جيدا ثم نضيف الماء ونكمل عجن.
الي ان نحصل علي عجبنة لحمة متداخلة وناعمة جدا زي ما حضراتكم شايفين بالشكل دة.
الكمية هنا انا عملتها علي 3 رولات وممكن انتم تبقوا تعملوها على 2 رول فقط حسب الرغبة.
نحضر نايلون استرتش.
ونفرده ونضع فيه كمية من اللحم في المنتصف.
ونلفها رول ونضغط عليها جيدا وتغلق من الجوانب.
كما بهذا الشكل.
وهكذا في باقي الكمية.
توضع في الفريزر المجمد حتي تتجمد جيدا وعند الحاجة إليها نطلعها ونبدأ بتقطيعها الي شرائح رقيقة جدا.
بالشكل دة.
وللتسوية هنحضر جريل تيفال او طاسة تيفال ونضع فيها ملعقة صغيرة زبدة او سمنة او زيت حسب الرغبة وعلي نار عالية نضع شرائح الدونر.
وتقلب علي الجانبين الى ان تاخذ لون ذهبي بني وتتحمر بالشكل ده بنحط في الجريل كمية صغيرة كل مرة ولما تخلص نضع باقي الكمية.
عند التقديم يضاف إليها بصل وطماطم وبقدونس مفرومة لو هنعملها ساندوتشات شاورما.
وممكن تترك سادة ونضع بجانبها بطاطس محمرة وخيار مخلل وبصل بالسماق بيكون لذيذ جدا مع قطع طماطم وتقدم بالهنا.
شرح فيديو دونر شاورما الكباب التركي
وده فيديو شرح طريقة عمل دونر شاورما الكباب التركي وضحت فيه كل التفاصيل جربوها وهتحوز على اعجباكم.