انهاردة هشرح لكم طريقة عمل الكسكسي السهل من الاول للاخر فى البيت ب 3 مكونات فقط واحلى من العلب والشرح كامل بالصور والخطوات او بالفيديو كأنك فى مطبخى فى اخر الوصفة فتابعوا معايا.
ولازم نكون عارفين ان الكسكسي هو مكون يصنع من الدقيق والحليب يصبح شبيها بسميد البسبوسة ويؤكل اما حلو يرش عليه سكر ومكسرات او يقدم مع الخضار علي طريقة المغاربة.
المكونات والمقادير
- كيلو ونصف من الدقيق.
- كيلو إلا ربع حليب عادي.
- نصف كيلو سمن نيوزيلاندي.
- نترة فانيليا.
- سكر بودرة للتقديم مفتوح ومكسرات حسب الرغبة.
طريقة عمل الكسكسي
هنا دة شكل حلة البخار او حلة الكسكسي بتكون مكونة من قطعتين حلة عادية ودي هنضع فيها نصفها ماء ونضعها علي البوتاجاز تغلي.
والحلة اللي فوق بتكون مصفاة هنضع فيها الكسكسي.
وانا بحب اسوي الكسكسي في قطعة قماش بيضاء خفيفة بالشكل ده.
نحتاج الي محضرة طعام او كبة. نضع نصف كيلو دقيق ومن فتحة الكبة نضع نترة فانليا.
ونبدأ بإضافة سرسوب من الحليب حوالي 3 ملاعق الي ان نحصل علي خليط رملي وهكذا في باقي الكمية. بالشكل ده.
وهكذا الي ان نكمل كمية الدقيق كلها هنستخدم في اول ضربة دي اول مرة نصف كمية الحليب لكل الكمية ثم نغلقها وتوضع فوق الحلة اللي فيها ماء مغلي وتغطى وتترك ساعة علي النار.
ونقلبها في بولة كبيرة بتكون كتلة واحدة بنفكها بالمعلقة كبيرة ونرجع تاني نضرب جزء جزء في الكبة مع اضافة باقي كمية الحليب بالتدريج.
ونرفعها تاني في الحلة تأخذ ساعة كمان سواء.
بالشكل ده بيتضاعف حجمها وكدة بيكون استوي نسيح السمن علي النار.
الي ان يبيض لونه يقدح يعني ونسكبه علي الكسكسي ونقلب.
انا موضحة كل التفاصيل في الفيديو لو عاوزة تشوفي الفيديو اضغطى هنا او شوفيه في اخر الوصفة. ونقلبه كويس.
ونضربه لثالث مرة في محضرة الطعام بدون اي اضافة نهائي مجرد ان السمنة تتخلل كل حبات الكسكسي ويصبح بهذا الشكل رائع جدا.
وناعم ومفرفر ومستوي وجميل في المرحلة دي ممكن تحتفظي بيه في اكياس في الفريزر.
ويقدم برش سكر البودر عليه مع زبيب وعين جمل حسب الرغبة ويقدم ساخن.
مدة التحضير للكمية دي ساعتين. وعملت معايا 2 كيلو و700 جرام كسكسي بالضبط.
شرح فيديو الكسكسي
وده فيديو شرح طريقة عمل الكسكسي اتمنى ان ينال اعجابكم.