انهاردة هشرح لكم طريقة عمل كوكيز امريكي اصلي بشوكليت شيبس وحشو النوتيلا المضبوط جدا بالصور والخطوات والشرح بالفيديو كأنك فى مطبخى فى اخر الوصفة فتابعوا معايا.
مقادير الكوكيز مضبوطة جدا وهو نوع من البسكويتات اساسه سكر بني وزبدة نوع ممتاز لورباك مثلا او نيوزيلاندي وشيكولاته شيبس نوع ممتاز لو إلتزمنا بالتعليمات دي ان شاء الله هتعملوا احلي كوكيز.
المكونات والمقادير
المقدار ده بيعمل حوالي 14 قطعة كوكيز حجم كبير زي المحلات المشهورة او 25 قطعة كوكيز وسط.
- 2 ونصف كوب دقيق.
- 1 كوب زبدة نيوزيلاندي في حرارة المطبخ.
- 2 بيضة.
- فانيليا.
- ثلاثة أرباع كوب سكر بني.
- نصف كوب سكر ابيض عادي وليس بودرة ناعم.
- نصف معلقة صغيرة باكينج صودا.
- ذرة ملح.
- كوب شكوليت شيبس.
- ممكن اضافة جوز مفروم (اختياري).
- نوتيلا للحشو (اختياري).
طريقة عمل كوكيز امريكي بشوكليت شيبس وحشو النوتيلا
لو هنحشي نوتيلا نقوم اولا بتشكيل النوتيلا بالملعقة علي نايلون وتوضع في الفريزر لحين الاستخدام.
ونبدأ في عمل الكوكيز نقوم بخفق الزبدة مع السكر البني والابيض الي ان تصبح هشة.
الي ان يصبح بهذا الشكل.
نضيف البيض والفانيليا ونخفق.
ثم نضيف الملح والباكينج صودا الي الدقيق ويضافوا الي الخليط السابق ويخلط مجرد ما يتجانس نوقف الخلط.
نحصل علي عجينة كوكيز جميلة جدا نضيف في المرحلة دي الكوكيز شيبس وممكن اضافة الجوز ونقلبها بالاسباتيولا.
عملت جزء بدون حشو نوتيلا.
ويرص علي صاج عليه ورق زبدة.
وجزء اخر بحشو قطع النوتيلا المجمدة نقوم بعمل كور من الكوكيز ونضعها في الفريزر شوية.
ثم نضع بداخل كل كرة قطعة من النوتيلا.
وتكور وتوضع في الفريزر شوية كمان 5 دقائق كده وتوضع علي ورقة الزبدة علي الصينية وندخلها فرن ساخن مشغل مسبقا علي درجة حرارة 160 بتاخد 15 دقيقة.
لو حابين الكوكيز لما تستوي من جوه تكون طرية من جوه ومقرمشة من بره نضعها قبل الفرن في الثلاجة او الفريزر.
هتحفظ بشكلها مش هتفرش قوي وهتكون من جوه سوفت.
ولو حابين انها تكون مفرودة ومقرمشة تشكل وتوضع مباشرة في الفرن.
وده شكل عجينة الكوكيز.
ندخلها الفرن وشكلها بعد ما استوت في اول صورة بالوصفة. وده شكل الكوكيز الامريكي المحشو نوتيلا من الداخل.
شرح فيديو عمل الكوكيز الامريكي
وده فيديو شرح طريقة عمل الكوكيز الامريكي بشوكليت شيبس وحشو النوتيلا وضحت فيه كل التفاصيل جربوها وهتحوز على اعجباكم.