انهاردة هشرح لكم طريقة عمل ساندويتش البيف برجر فى البيت باللحم زى المحلات وبدون فول صويا ومضمون وبصوص الجبنة الشيدر بطريقة سهلة جدا وطعم لا يقاوم بالصور والخطوات وكمان الشرح بالفيديو فى اخر الوصفة كأنك فى مطبخى على قناتنا باليوتيوب فتابعوا معايا.
وهتعرفوا كمان ازاي نعمل من الجبنة الشيدر صوص للساندوتشات والبطاطس.
المكونات والمقادير
الكمية التالية عملت 13 قطعة برجر
- كيلو لحم مفروم طازج.
- 2 ملعقة كبيرة كاتشب.
- ملعقة صغيرة من كل مما يلي (ملح فلفل بابريكا ثوم وبصل بودرة).
- صوص الجبنة الشيدر
طريقة عمل ساندويتش البيف برجر
الاول هنعمل البرجر.
نخلط الكاتشب مع البهارات واللحم.
ونخلطها كويس باليد الي ان تتجانس بالشكل ده.
لو متاح مكبس البرجر بنستعمله لو غير متاح نستخدم اي قطعة دائرية موجودة عندنا زي غطاء برطمان مثلا.
ناخد كرة من خليط اللحم ونضع كيس في الكيس او الغطاء ونضع كرة اللحم ونفردها باليد ونضع كيس آخر على الوجه ونضغط عليها بكف اليد.
ثم نرفعها بالكيس من المكبس تصبح بهذا الشكل.
ترص علي اكياس نايلون بين كل قطعة والاخري نايلون.
ممكن تفرز في الفريزر لحين الاستخدام نطلع منها العدد حسب الرغبة.
وتسوي مباشرة علي جريل فيه ملعقة زيت فقط ونار مرتفعة تاخد صدمة علي الجانبين.
وممكن نضع شرائح جبن بعد ما تستوي وهي لسه في الجريل او نستخدم صوص الشيدر اللي عملناه فى الوصفة دى اضغطى هنا.
نبدأ في عمل الساندوتشات.
نحضر خبز كيزر ونضع صوص تكساس برجر او بيج تيستي.
وهنحتاج الي خضار حسب الرغبة.
نضع الصوصات حسب الرغبة ثم الخس وشرائح الطماطم والفلفل والبصل.
ثم قطعة البرجر ثم صوص الجبن الشيدر.
ويقدم بالهنا.
وده شكله من جوه.
شرح فيديو عمل ساندويتش بيف برجر
وده فيديو شرح طريقة عمل ساندويتش البيف برجر اتمنى ان ينال اعجابكم.