انهاردة هشرح ليكم طريقة عمل البغاشة السهلة جدا بالصور والخطوات والشرح بالتفصيل فى الفيديو فى اخر الوصفة كأنك في مطبخي فتابعوا معايا.
المكونات والمقادير
- 2 كوب دقيق.
- 2 بيضة.
- فانليا.
- عصرة ليمون.
- معلقة كبيرة باكينج بودر.
- معلقة كبيرة زبدة في حرارة المطبخ.
- ماء للعجن حوالي نصف كوب او اقل حسب ما تاخد معاكي حسب نوع الدقيق.
طريقة عمل البغاشة
نخلط كل المقادير مع بعض ونعجن بالماء الي ان تتكون عجينة لينة نسيبا ومش ناشفة بالشكل دة.
نقسم العجينة الي 4 كرات متساوية وتغطي وتترك ترتاح عشر دقايق.
ثم نرش دقيق ونبدأ نفرد كل كرة الي دائرة صغيرة وتترك جانبا وكل ما نفرد كرة نضعها فوق الاولي وهكذا.
الي ان ننتهي من 4 كرات نضغط عليهم مع بعض وهما فوق بعض ثم نفردهم بسمك 1 سم الي دائرة كبيرة.
وتقطع الي شرائط طولية وعرضية لنحصل علي مربعات بالشكل دة انا هنا قطعتها بالعجلة المشرشرة.
انا موضحة شكلها في الفيديو هنا.
طبعا واحنا بنفردهم بنفردهم علي دقيق.
ثم تقلي المربعات في زيت غزير.
وتخرج من الزيت الي الشربات مباشرة ويكون شربات تقيل يعني 2 كوب سكر علي كوب وربع ماء وعصير نصف ليمونة.
زي ما احنا شايفين اول ما تتقلي بتنفخ وبتبقي شكل المخدات.
تقدم بالهنا لذيذة جدا وسهلة.
شرح فيديو عمل البغاشة
وده فيديو شرح طريقة عمل البغاشة اتمنى ان ينال اعجابكم.