انهاردة هشرح لكم طريقة عمل شاورما الدجاج البيتى الرهيبة بخبز التورتيلا بإتباع الشرح فى الوصفة بالصور والخطوات وكمان فيه شرح بالفيديو في اخر الوصفة كأنك في مطبخي فتابعوا معايا.
الطريقة دي زي الشاورما الجاهزة بالضبط واحلي وانظف بكثير طعمها قوي جدا بجد رهيبة.
المكونات والمقادير
طبعا تقريبا اللي يحب يشيل حاجة او يزود في كمية حاجات حسب الرغبة.
- كيلو صدور دجاج او أوراك فراخ او الاثنين مع بعض حسب الرغبة متقطعة رفيع.
- 2 كوب زبادي.
- ربع كوب زيت.
- معلقة كبيرة صويا صوص.
- 2 معلقة خل.
- معلقة كاتشب.
- 2 فص ثوم مفروم.
- مكعب مرقة.
- بهارات (ملح وفلفل وبابريكا وثوم بودرة وبصل بودرة وكركم وكاري وزعتر وسماق وقرفة وجوزة الطيب).
طريقة عمل شاورما الدجاج البيتى
نخلط كل المقادير مع بعضها وننقع فيها الدجاج أقل شئ ساعة وممكن قبلها بيوم.
كل ما تقعد كل ما تاخد طعم أقوى.
تفرد في صينية فرن بالشكل دة.
ونشغل الفرن علي درجة حرارة عالية مع تشغيل مروحة الفرن ان وجدت وكل 10 دقايق نقلبها ونفردها تاني.
الي ان تستوي وتحمر بالشكل الجميل دة.
نعملها ساندوتشات في خبز الشاورما عملته قبل كده فيديو هنا ومع ثومية وليك الطريقة هنا ويقدم معاها خيار مخلل وكاتشب وثومية وبطاطس وصوص بيج تيستي.
وفي داخل الساندوتش انا حطيت اضافات تانية زي صدور رومي مدخن وبصل مفروك ببقدونس وبالهنا لذيذة جدا وشهية جدا جدا.
شرح فيديو شاورما الدجاج بخبز التورتيلا
وده فيديو شرح طريقة عمل شاورما الدجاج بخبز التورتيلا اتمنى ان ينال اعجابكم.