انهاردة هشرحلكم طريقة عمل صوص كريمة شيكولاته نوتيلا وهى تشبهها الى حد كبير وممكن يضاف اليها بندق مجروش وتستعمل فى حشو الكيكات او مع الايس كريم والترايفل والبروفترول وغيرها من الاطباق واليوم هنحضرها بطريقة سهلة جدا ومكونات متوفرة فى المنزل.
مقادير صوص كريمة شيكولاته نوتيلا
- كوب من الحليب.
- كوب من السكر لو الكاكاو المستخدم خام اما لو محلى نقلل السكر الى كوب إلا ربع او نصف كوب.
- ربع كوب كاكاو خام او نسكويك.
- كوب زيت.
طريقة عمل صوص شيكولاته نوتيلا
- سنضع الكاكاو والحليب والسكر فى وعاء الخلاط ونخلط.
- ثم نبدأ نضيف الزيت على شكل خيط رفيع جدا من فتحة الخلاط وهو دة السر فى أن الصوص يكون كريمى وتقيل.
- هتلاحظوا ان الصوص بقي ناعم وكريمى وبيلمع جدا نحتفظ به فى برطمان زجاجى نظيف وتوضع فى الثلاجة لوقت الحاجة.
- لو استعملتم كاكاو خام يعنى بدون سكر هتكون كريمة الشيكولاته فاتحة شوية فى اللون.
- اما لو عملتوه بكاكاو النسكويك هتكون الشيكولاته غامقة كما بالصورة اول الوصفة وبالهنا يارب تكون عجبتكم.