انهاردة هشرح لكم طريقة عمل الغريبة بطريقة 124 احسن من المحلات بالصور والخطوات والشرح بالتفصيل فى الفيديو اخر الوصفة كأنك في مطبخي فتابعوا معايا.
المكونات والمقادير
يعني ايه طريقة 124 بتاعة الغريبة يعني مقدار السكر ضعفة سمنة بلدي وضعف السمنة البلدي دقيق دي كدة قاعدة للشغل انا هنا عملت:
- 200 جرام سكر بودرة ناعم جدا.
- 400 جرام سمنة بلدي بيضاء مبردة.
- 800 جرام دقيق.
- نترة فانليا من عندي ممكن الاستغناء عنها.
طريقة عمل الغريبة
نخفق السمنة مع السكر والفانليا الي ان تبيض وتصبح كريمية.
نضيف الدقيق ونخلط بالمضرب الكف.
هيكون شكلها كدة فاكة ومرملة متخافوش هنفضل نستمر في الضرب الي ان تتجانس وتنعم وتصبح بهذا الشكل.
نبدأ في تشكيلها الي كرات صغيرة علشان بتكبر في الفرن شوية.
وندكها كويس بين الكفين حتي لا تحدث تشققات.
وترص علي صينية ألومنيوم بدون اي دهان مع ترك مسافات.
وممكن تزين بملبس الفضة او مكسرات حسب الرغبة.
التزيين قبل دخول الفرن بعد التشكيل مباشرة.
وندخلها الفرن ونخلي بالنا يا دوب بتاخد من تحت لون اشقر فقط وبتطلع بيضاء زي ما هي.
دة شكل الغريبة من تحت ونتركها علي الصاج الي ان تبرد نهائي وممكن لتاني يوم علشان تحتفظ بشكلها المرتب وتقدم بالهنا.
وتحفظ في علب فاصل بينها قطع من الفويل (القصدير) او لو متاح علب صاج وبالهنا.
شرح فيديو عمل غريبة العيد
وده فيديو شرح طريقة عمل الغريبة اتمنى ان ينال اعجابكم.