يعد جناش الشيكولاته من صوصات الشيكولا الهامة فى تغليف التورتات والكيكات وهشرح لكم انهاردة طريقة عمل جناش الشيكولاته بالخطوات.
المكونات والمقادير
- كوب كريمة لبانى.
- 2 كوب شيكولاته مبشورة خام.
طريقة عمل جناش الشيكولاته
- نسخن الكريمة اللبانى بدون غليان مجرد تسخين ثم نضع الشيكولاته ونطفئ النار ونقلب الى ان تختلط وتسيح.
- وممكن لو فى ميكرويف نسيح الشيكولاته ونضيفها متسيحة جاهزة حسب الرغبة نقلب الى ان نحصل على صوص جناش رائع.
- ملحوظة مهمة جدا جناش الشيكولاته نتركه يتماسك خارج الثلاجة ولا يوضع فى الثلاجة حتى لا يفقد لمعته يارب اكون افدتكم بالهنا.
استعمالات جناش الشيكولاته
الجناش له 3 استعمالات وهى:
- اننا نستخدمه وهو سائل بس نتركه يبرد شوية ويستعمل لتغطية الكيكة حيث اننا نصبه عليها.
- اننا نتركه يبرد نهائى ويتماسك وبكده يكون جناش متماسك يغلف به التورتات تحت عجينة السكر.
- بعد ما يتماسك ممكن نخفقه بالمضرب الكهربائى وبكده يكون كريمة جناش يستخدم فى الحشو وممكن نزين به وردات بكريمة الجناش.