انهاردة هشرح لكم طريقة عمل حواووشي بالعجين وهو (حواووشي اسكندراني) بالصور والخطوات والشرح بالفيديو فى اخر الوصفة فتابعوا معايا.
الحواووشي هو نوع من انواع الساندويتشات معروف جدا في مصر واوقات بيتعمل بالخبز العادي واوقات بالعجين اليوم هنعمله بالعجين نشوف المقادير مع بعض.
مقادير حشو الحواووشي
- كيلو لحم مفروم مدهن.
- 2 بصلة مفرومة.
- ملعقة صغيرة من كل من (ملح وفلفل وبابريكا ثوم بودرة وبصل بودرة).
مقادير العجينة المرحلة الاولى
- 2 كوب ماء فاتر.
- 2 كوب دقيق منخول.
- 1 ملعقة كبيرة خميرة فورية.
- 2 ملعقة كبيرة حليب بودرة.
- ملعقة صغيرة سكر.
- ربع ملعقة صغيرة ملح.
مقادير العجينة المرحلة الثانية
- بيضة.
- ثلث كوب زيت.
- من 3 ل 4 اكواب دقيق منخول حسب العجينة ما تلم.
مكونات دهان الوجه
- ربع كوب حليب رائب مع معلقة كاتشب.
طريقة عمل حواووشي بالعجين
نخلط مقادير العجينة المرحلة الاولى مع بعض ونتركها عشر دقايق تخمر.
بتكون بالشكل دة لما تخمر بتعمل فقاعات.
نضيف البيضة والزيت والدقيق ونخلط الي ان نحصل علي عجينة متماسكة وفي نفس الوقت لينة وطرية لا تلتصق باليد.
نقسم العجين الي 7 كرات متساوية ونغطيها ونتركها تخمر.
ونحضر حشو الحواووشي نخلط البهارات ونضيف كمية البصل مع اللحم ونعجنه كويس ونقسمها الي 7 كرات ايضا.
ناخذ مرة من العجين ونفردها علي سطح مرشوش دقيق الي دائرة بيضاوية ونضع كرة من اللحم علي نصف الدائرة ونفردها كويس.
ثم نطوي النصف الاخر من الدائرة عليها ونغلقها من الاطراف جيدا.
توضع علي صينية فرن مدهونة زيت وندهن الحواووشي بخليط من اللبن الرائب والكاتشب ويرش بالسمسم ويترك خمس دقايق يخمر.
تخبز في فرن ساخن علي الرف الاعلي نار متوسطة تاخد حوالي ساعة إلا ربع.
وشكله من الداخل مستوي جدا في اول الوصفة وحلو جدا ويقدم بالهنا.
شرح فيديو عمل حواووشي بالعجين الاسكندرانى
وده فيديو شرح طريقة عمل حواووشي بالعجين الاسكندرانى اتمنى ان ينال اعجابكم.