انهاردة هشرح لكم طريقة عمل مثلثات الجلاش بالكريمة بالصور والخطوات، وفى اخر الوصفة هيكون فيه شرح بالفيديو كأنك في مطبخي فتابعوا معايا.
المكونات والمقادير
- نصف لفة جلاش.
- كريم باستري.
- سمنة.
- شربات وشرح طريقته هنا.
مقادير الكريم باستري
هنا الباستري كريم انا حطيت في كيس حلواني لسهولة الاستعمال ومقاديره وطريقة عمله كالتالى:
- 2 كوب حليب.
- بيضة.
- ربع كوب سكر.
- ربع كوب دقيق.
- فانيليا.
- ممكن معلقة قشطة.
طريقة عمل الكريم باستري
طريقته في حلة علي النار هنحط كوب واحد حليب وفي الخلاط هانحط كل المقادير الباقية.
ونضرب ولما يغلي الحليب اللي علي النار هاننزل بالخليط اللي في الخلاط مع التقلبيب المستمر.
ولما نطفي هنحط معلقة القشطة ونغطي الوش مباشرة بالنايلون علشان ما يكونش قشرة.
ولما يبرد نحطه في كيس حلواني.
طريقة عمل مثلثات الجلاش بالكريمة
ناخد ورقات الجلاش زي ما هي ونفرد اول ورقة وندهن سمنة كويس جدا.
علشان يورق ثم الطبقة الثانية وندهن وهكذا لغاية ما نخلص كل الاوراق.
بالشكل دة ثم نقسمة الي مربعات انا بحب استعمل عجلة البيتزا اسهل واسرع.
ونضع على نصف المربع كريم باستري من كيس حلواني بالشكل دة.
نطوي طرف المربع علي المقابل لنحصل علي مثلثات.
بالشكل دة وندهن الوش سمنة كويس وندخلها الفرن ملحوظة.
ممكن نلاقي جزء من الكريمة طلع برة مفيش مشكلة لما بنشيل مثلثات الجلاش بالكريمة بتبقي نظيفة وحلوة.
وتخرج من الفرن نسقيها شربات مباشرة وتقدم بالف هنا.
شرح فيديو عمل مثلثات الجلاش بالكريمة
وده فيديو شرح طريقة عمل مثلثات الجلاش بالكريمة اتمنى ان ينال اعجابكم.