وصفة اليوم هي طريقة عمل كوكيز الجوزيه بحشو التوفي والنوتيلا بالصور والخطوات وكمان شرح بالفيديو في اخر الوصفة كأنك في مطبخي فتابعوا معايا.
وهي نوع من انواع البسكويتات المميزة جدا كشكل وطعم اهم عنصر مميز فيه لكي نحصل علي شكل الجوزيه ده جهاز كهربائي مخصوص للجوزيه هنشوف كل التفاصيل مع بعض.
المكونات والمقادير
- 200 جرام زبدة.
- نصف كوب سكر.
- 280 جرام دقيق.
- 2 بيضة.
- فانليا.
- عصرة ليمون.
- 60 جرام نشا.
- 2 جرام باكينج بودر.
- نوتيلا اسبريد للحشو.
- توفي او مربي حليب للحشو.
طريقة عمل كوكيز الجوزيه بحشو التوفي والنوتيلا
نخفق الزبدة مع السكر.
ثم نضيف البيض والفانليا ونخفق.
ثم نضيف النشا والباكينج بودر والدقيق ونخلط.
نحضر جهاز الجوزيه ونقوم بتشكيل العجينة الي كرات بيضاوية صغيرة وزنها حوالي 6 جرام.
ونضع الكرات بداخل الجهاز.
ونقفل الجهاز ونوصل الكهرباء ونستنى لما تنور اللمبة الخضراء ونفتح هنلاقيها اخدت لون ذهبي بالشكل دة.
نفصل الكهرباء عن الجهاز ونرجع تاني نضع فيه الكرات ونشغل وهكذا الي ان تنتهي الكمية.
نضع الحشو نوتيلا مثلا في كيس حلواني لسهولة الحشو.
ونبدأ بحشو وحدات الجوزية بعد تنظيف الاطراف ونلصق كل 2 مع بعض.
بالشكل دة.
وتقدم بالهنا وتحفظ في علبة محكمة ومغلقة.
شرح فيديو كوكيز الجوزيه
وده فيديو شرح طريقة عمل كوكيز الجوزيه بحشو التوفي والنوتيلا وضحت فيه كل التفاصيل جربوها وهتحوز على اعجباكم.