انهاردة هشرح لكم طريقة عمل كنافة بشيكولاته نوتيلا على طريقتي والشرح هيكون بالصور والخطوات السهلة والبسيطة فتابعوا معايا.
المكونات والمقادير
- كيلو كنافة او نصف حسب حجم الصينية.
- باسترى كريم.
- شيكولاته نوتيلا.
- سمنة حوالى نصف كوب.
- بندق.
- شربات 3 ملاعق كبار.
طريقة عمل كنافة بشيكولاته نوتيلا
نكسر الكنافة فى محضرة الطعام.
نضع السمنة فى طاسة تيفال على النار ثم نضع الكنافة ونقلب.
الى ان تتشرب السمنة تماما.
ونستمر فى التقليب الى ان تاخذ لون ذهبى.
نحضر قارب ونخلط نصف كمية الكنافة بالشربات كمية بسيطة ونفردها فى القارب ودى "طريقة عمل الشربات".
ثم نضع باسترى كريم او اورينت كريم ودول بنجيبهم بودر من مستلزمات الحلوانى ونضربهم بحليب بارد زى الكريم شانتى بالضبط ونفرد طبقة متوسطة منة فوق الكنافة ونراعى واحنا بنفردها ما نضغطتش جامد او ممكن نحطها فى كيس حلوانى ونوزعها لتسهيل الفرد.
وباقى الكنافة نخلطها مع معلقتين كبار نوتيلا.
وبعد ما خلطناها توضع فوق الطبقة السابقة.
ونضع شيكولاتة نوتيلا فى كيس ونعمل بيها تزين حسب الرغبة خطوط مثلا ونرش بندق وممكن كمان نرش حليب مكثف محلى حسب الرغبة بسيط جدا كما في الشكل النهائى اول الوصفة. وتوضع فى الثلاجة تبرد وتقدم بالف هنا.