انهاردة هشرح لكم طريقة عمل صينية الكنافة بالموز السهلة بالصور والخطوات وهو نوع جديد من طريقة عمل الكنافة مش كتير يعرفوا الحشوة دى بس بصراحة طعم جديد وكمان هيكون فيه شرح بالفيديو في اخر الوصفة كأنك في مطبخي فتابعوا معايا.
المكونات والمقادير
- دة حوالى نصف كيلو إلا شوية كنافة حوالى (450 جم).
- 3 أو 4 أصابع موز.
- 2 ملعقة سكر بودرة.
- 4 ملعقة سمنة.
- شربات شيرة للحلويات وسبق شرحت طريقة عمله هنا.
طريقة عمل صينية الكنافة بالموز
نفرك الكنافة بسمنة ومعلقتين سكر بودرة ونفرد نصفها في صينية بيتزا بمعنى صينية قصيرة الحافة ومدهونة سمن ونكبسها كويس باليد نضغط عليها.
ثم نضع شرائح من الموز بشكل كافى يغطى كل الصينية ونرش علية معلقة كبيرة سكر بودرة لانة بيظهر ريحة الموز.
ثم الطبقة التانية نضع باقي كمية الكنافة ونضغط عليها وترش سمنة وندخلها الفرن تاخد لون ذهبي حلو كده.
وشكلها اول ما خرجت من الفرن في اول الوصفة ونسقيها بالشربات البارد فور خروجها.
ونقلب صينية الكنافة بالموز علي طبق التقديم وتزين بكريمة او كريز او مكسرات حسب الرغبة وتقطع للتقديم وبالهنا والشفا طعمها رائع.
شرح فيديو عمل صينية الكنافة بالموز
وده فيديو شرح طريقة عمل صينية الكنافة بالموز اتمنى ان ينال اعجابكم.