انهاردة هشرح لكم طريقة عمل أرز معمر مسكر بالحليب وهو يعتبر أرز بلبن في الفرن والشرح بالصور والخطوات وكأنك فى مطبخى بالتفصيل فى الفيديو فى اخر الوصفة فتابعوا معايا.
اكيد اغلب الناس متعودة تعمل الأرز المعمر حادق بس سواء كان سادة او بلحم او طيور.
لكن انهاردة انا هعمله ليكم كصنف حلو هنعمله بالحليب والسكر والمكسرات في الفرن ويتاكل حاجة حلوة جديدة ومختلفة.
المكونات والمقادير
- كوب ونصف أرز مصري مغسول ومنقوع.
- 3 أكواب كبيرة حليب طازج.
- ربع كوب سكر.
- ربع كوب كريمة لباني او ممكن بديل ليها 2 ملعقة كبيرة قشطة.
- ربع كوب زبيب.
- 3 ملاعق كبيرة جوز هند.
- ملعقة كبيرة سمنة.
- فانيليا.
طريقة عمل أرز معمر مسكر بالحليب
نصفي الأرز المنقوع ونضعه في صينية فرن او قارب فرن ونضع الزبيب وجوز الهند والحليب والسكر ونقلب.
ونضع الفانليا والسمنة والكريمة او القشطة يعني كل المقادير مع بعضها.
ونقلبهم كويس طبعا يكون الحليب اصلا مغلي.
ونضعه علي النار يغلي ثم نضعه في الفرن تحت الشواية الاول ياخد لون ثم من تحت.
ويقطع مثلثات ويقدم دافئ جميل جدا ان شاء الله يعجبكم.
شرح فيديو عمل أرز معمر مسكر بالحليب
وده فيديو شرح طريقة عمل أرز معمر مسكر بالحليب اتمنى ان ينال اعجابكم.