انهاردة هشرح لكم طريقة عمل كوكيز زبدة الفول السوداني بطعم الاسنيكرز شرح كامل بالصور والخطوات وكمان شرح بالفيديو فى اخر الوصفة كأنك فى مطبخى فتابعوا معايا.
والكوكيز ده هو نوع من أنواع الكوكيز سهل جدا وبسيط وهنعمله ب 3 مكونات فقط نشوف المقادير مع بعض.
المكونات والمقادير
المقدار ده بيعمل 18 قطعة ودرجة حرارة الفرن 180 بياخد حوالي عشر دقايق.
- 1 كوب زبدة فول سوداني.
- 1 بيضة.
- ربع كوب سكر بودرة وممكن اقل حسب الرغبة.
مكونات تزيين الكوكيز
- حبيبات شيكولاته كيسيز وممكن قطع شيكولاته سنيكرز وممكن بدون حسب الرغبة.
طريقة عمل كوكيز زبدة الفول السوداني بطعم الاسنيكرز
نضع زبدة الفول السوداني في بولة ونضع عليها السكر والبيضة ونخلطها بمعلقة او اسباتيولا.
الي ان نحصل علي عجينة كوكيز متجانسة.
نشكل العجينة الي كرات صغيرة بحجم عين الجمل او اصغر شوية وترص علي صينية عليها ورق زبدة.
وندخلها فرن علي درجة حرارة 180 بتاخد حوالي 10 دقايق.
نطلعها نضع في المنتصف حبات الشيكولاته الكيسيز بدون ما نشيل البسكويت من الصينية خالص إلا بعد ما تبرد نهائي.
ده شكلها بعد ما استوت. وهنا في الصورة التالية وانا بحط حبات الشيكولاته.
ونتركها تبرد خالص ثم نضعها في طبق التقديم وبكده نكون حصلنا على طريقة عمل الكوكيز بطعم الاسنيكرز وتقدم بالهنا.
شرح فيديو كوكيز زبدة الفول السوداني
وده فيديو شرح طريقة عمل كوكيز زبدة الفول السوداني اتمنى ان ينال اعجابكم.