انهاردة هشرح لكم طريقة عمل مربي القرع العسلى اللذيذة جدا بأسهل طريقة والشرح بالصور والخطوات وكمان شرح بالفيديو كأنك فى مطبخى فى اخر الوصفة فتابعوا معايا.
المكونات والمقادير
- كيلو من قرع العسل المفروم او مقطع حسب الرغبة.
- كيلو من السكر.
- باكيت فانليا او نصف ملعقة صغيرة.
- عودين قرنفل.
- عود قرفة او نصف ملعقة قرفة ناعمة.
- رشة جوزة الطيب.
طريقة عمل مربى القرع العسلى
نفرم القرع في المفرمة الكهربائية او مبشرة.
ونضع طبقات متبادلة من القرع والسكر الي ان ننتهي من كل الكمية وتكون اخر طبقة سكر.
نغلفها بالنايلون ونحفظها في الثلاجة لتاني يوم.
ده شكلها تاني يوم السكر بيدوب وبتجيب مياه.
نفضيها في حلة ونرفعها على النار.
وتكون النار مرتفعة في الاول لحد ما تغلي المربى.
ثم نخفض النار الي المتوسطة ونقلبها هتطلع ريم ابيض او رغوة بيضاء نشيلها كلها.
ونتركها تستوي والسكر يتقل ويعقد ثم نضيف المنكهات.
ونقلب ونطفئ النار ونتركها تبرد تماما.
وتعبأ في برطمانات معقمة وناشفة جدا وتقدم بالهنا.
شرح فيديو عمل مربي القرع العسلى
وده فيديو شرح طريقة عمل مربي القرع العسلى اتمنى ان ينال اعجابكم.