انهاردة هشرح لكم من الألف إلى الياء طريقة عمل عجينة القطايف فى المنزل وحشوات مختلفة بالصور والخطوات، وشرح بالتفصيل بالفيديو فى اخر الوصفة فتابعوا معايا.
المكونات والمقادير
- 2 كوب دقيق.
- 2 إلا ربع كوب ماء دافئ.
- ربع معلقة صغيرة باكينج بودر.
- معلقة صغيرة سكر.
- معلقة صغيرة خميرة.
- ربع معلقة صغيرة باكينج صودا.
- ربع كوب سميد.
طريقة عمل عجينة القطايف
توضع كل المقادير في وعاء الخلاط وتضرب كويس وتقل العجينة احنا بنتحكم فيها ممكن تحتاجي تزودي ربع مية كمان حسب نوع الدقيق.
دة شكل الخليط بعد الخفقان نصفية علشان نضمن أنة يكون ناعم وبدون أي تكتلات.
نسخن طاسة تيفال بدون اي دهان خالص وتكون النار متوسطة مش عالية ونبدأ نصب فيها القطايف الحجم حسب الرغبة.
اول ما تعمل فقاعات كدة ويختفي العجين نرفعها مباشرة والقطايف مش بتتقلب بتستوي علي جهه واحدة بس.
وهكذا الي ان ننتهي من الكمية كلها.
ممكن اول واحدة تبقي اختبار ليكي وتبوظ عادي مفيش مشكلة.
زي ما احنا شايفين عجينة ناحجة جدا وأول ما نرفع القطايف من النار نضعها في فوطة مطبخ نظيفة ولا توضع وهي ساخنة فوق بعض.
تحشي حسب الرغبة مكسرات مشكلة بالشكل دة. وبالمكسرات دي هتتقلي في زيت غزير ونقفلها كويس بعد الحشو.
اللي بالمكسرات بعد ما تطلع من الزيت مباشرة توضع في الشربات (الشيرة) وتقدم بالهنا.
وهنا أنا قفلت جزء من كمية القطايف نصف قفلة وهسيبها كده بدون قلي وهحشيها نوتيلا ولوتس.
شرح فيديو عمل عجينة القطايف
وده فيديو شرح طريقة عمل عجينة القطايف اتمنى ان ينال اعجابكم.