انهاردة هشرح لكم طريقة عمل كنافة كورنية بالكريمة والمكسرات او ما تسمى بأسم قراطيس الكنافة والشرح بالخطوات السهلة والبسيطة.
المكونات والمقادير
- 1 كيلو كنافة.
- 1 كمية أقماع معدن.
- شربات.
- سمنة.
- كريم شانتيه.
- باسترى كريم.
- مكسرات.
طريقة عمل كنافة كورنية بالكريمة والمكسرات
- نحتاج للعمل كنافة طازجة لازم وليست مجمدة وتكون شعر طويلة مش متكسرة.
- وطبعا كلنا عارفين شكل الكنافة.
- اول ما نشتريها نرش عليها رشات ماء ونغطيها بمنشفة او فوطة علشان ما تنشفش واحنا بنشتغل بيها.
- وبنجيب الاقماع المعدن او الكورنية اللى هنلف عليها الكنافة.
- هنا نبدأ ندهن القمع بالفرشاة سمنة وناخد شريط من الكنافة ونلفها على القمع من الخارج.
- ونرص الاقماع فى صينية قصيرة الحافة ونسخن سمنة كمية حلوة ونضعها على الاقماع.
- وندخلها فرن مش بتاخد وقت ولما تاخد اللون الذهبي نطلعها من الفرن.
- وتسقي بالشربات او الشيرة ونشيل الاقماع وتحشي حسب الرغبة.. ممكن كريم شانتى مخفوق او باستري كريم او كاسترد حسب الرغبة وتزين بالمكسرات.