انهاردة هشرح لكم طريقة عمل بسكويت السابليه وتارت سابليه فاخر بالصور والخطوات وكمان هيكون فيه شرح بالتفصيل فى الفيديو بآخر الوصفة كأنك فى مطبخي فتابعوا معايا.
المكونات والمقادير
- كيلو دقيق.
- 600 جرام زبدة نيوزيلاندي مبردة.
- 250 جرام سكر.
- 150 جرام نشا.
- 6 بيض.
- فانليا.
- عصرة ليمون.
طريقة عمل بسكويت السابليه
نضع كل المقادير مع بعض ما عدا الدقيق ونخفق الي ان تصبح كريمي.
ثم نضيف الدقيق ويادوب نخلط بس بدون عجن.
نبدأ في تشكيل السابليه هنا انا عملت تارت سابليه بالبندق.
والبندق محمص ومجروش ونضع عليه عسل جلوكوز حتى يتماسك.
ناخذ كرة ونشكلها في قالب التارت الصغير.
ثم نضع عليها معلقة من حشو البندق.
وكمان عملت شكل تاني شكل الهلال او الكلوة او الكاجو.
وحشيتها بندق ممكن تحشي اي مكسرات تحبوها لكن مكسرات بيور بدون اضافة عسل هنا.
وهنا الشكل التقليدي للسابليه والتفاصيل موضحة اكتر في الفيديو بأخر الوصفة.
ونخبزهم في فرن علي درجة حرارة 160 بياخد حوالي عشر دقائق الي ربع ساعة حسب الفرن عندك ونلاحظه يادوب بياخد لون اشقر من تحت.
هنا انا زينت السابليه بمربي المشمش والشكل التاني الكلوة او الهلال بالشيكولاته.
تفننوا في التزين حسب رغباتكم ودة شكله النهائي وكل عام والجميع بالف خير يارب.
شرح فيديو بسكويت وتارت السابليه
وده فيديو شرح طريقة عمل بسكويت وتارت السابليه اتمنى ان ينال اعجابكم.