انهاردة هشرح لكم طريقة عمل بسكويت الزبدة الناعم الاصلي بمقادير سهلة وبسيطة بس اهم شئ اختيار نوع زبدة ممتاز لانها اساس الوصفة انا هنا استخدمت نيوزيلاندي وشرح الوصفة هيكون بالصور والخطوات وكمان هيبقي فيه شرح مفصل بالفيديو في اخر الوصفة كأنك فى مطبخي زي ما انتم متعودين معايا، فتابعوا معايا الطريقة.
المكونات والمقادير
- 350 جرام زبدة بدرجة حرارة المطبخ.
- 150 جرام سكر بودرة ناعم.
- 2 بيضة.
- فانليا.
- 500 جرام دقيق (نصف كيلو).
- ذرة ملح.
- لو هنشكلها بالقمع وكيس الحلواني هنحتاج من 2 الى 3 ملاعق كبيرة حليب. ولو بالماكينة مش هنحتاج حليب.
طريقة عمل بسكويت الزبدة
نخفق الزبدة مع السكر البودرة.
ونخفق بالمضرب الكف الي ان تصبح هشة ولونها فاتح.
نضيف البيض والفانليا ونخفق.
ثم الدقيق ونخلط ونزود الحليب.
الي ان نحصل علي عجينة كوكيز ممتازة.
نحضر كيس حلواني ونضع فيه قمع النجمة.
ونبدأ في تشكيل البسكويت حركة اليد علي شكل حرف الواو نصف دائرة تقريبا وطبعا التشكيل حسب الرغبة.
ويشكل مباشرة علي صينية الفرن بدون اي دهان وممكن وضع ورقة زبدة.
وهكذا الي ان ننتهي من كل الكمية.
ندخله فرن مسخن مسبقا مش بياخد وقت كتير حوالي عشر دقايق الي ان يصبح ذهبي علي الرف الشبكي الاوسط ويقدم.
دة شكل بسكويت النجمة الناعم الاصلي بعد ما استوى هش جدا ولذيذ جدا جدا.
شرح فيديو
وده فيديو شرح طريقة عمل بسكويت الزبدة الناعم وضحت فيه كل التفاصيل جربوها وهتحوز على اعجباكم.