انهاردة هشرح لكم طريقة عمل صوص الفراولة المنزلى الصنع بالضبط زى صوص فراولة هيرشى الجاهز واللي بيستعمل فى التشيز كيك والايس كريم والكريب والفروت سلاط.
المكونات والمقادير
- نصف كيلو فراولة مقطعة.
- نصف كوب سكر.
- ربع كوب ماء.
- ربع كيس جيلى فراولة.
- عصرة ليمون.
طريقة عمل صوص الفراولة
- نضع الفراولة مع السكر والماء على النار ونقلبهم ونتركه يغلى ربع ساعة كدة على الهادئ.
- ونتركه يهدى شوية ويبرد ثم نضعه فى الخلاط مع عصرة الليمون والجيلى هنا ليعطى لون احمر اقوى ويتقل الصوص شوية.
- نرجعه تانى فى نفس الحلة على النار ونتركه يغلى 5 دقائق.
- ثم نتركه يهدى ويبرد تماما ثم نضعه فى برطمان زجاجى ونحفظه فى الثلاجة.
- وبالهنا المقدار ده عمل البرطمان الموجود بأول الوصفة وطبعا ممكن نزود الكمية حسب الرغبة وبالهنا.