يعد بلح الشام من الحلويات الشرقية المطلوب إعدادها فى المنزل من وقت لآخر، وطريقة عمل بلح الشام سهلة ومضمونة، وأفضل من شراؤها جاهزة وانهاردة هشرحها بالصور والخطوات وكمان شرح بالفيديو كأنك في مطبخي في اخر الوصفة فتابعوا معايا.
المكونات والمقادير
- كوب ماء.
- ربع كوب زبدة لينة او ربع كوب زيت حسب الرغبة.
- نصف معلقة صغيرة ملح.
- معلقة صغيرة سكر.
- 1.5 كوب دقيق.
- من 4 الى 5 بيضات حسب ما تحتاج.
- فانيليا.
- عصير ليمون.
- معلقتين كبار جوز هند مبشور.
طريقة عمل بلح الشام
نضع الزبدة والماء والسكر والملح على النار.
الى ان يبدا بالغليان مباشرة نضيف الدقيق.
مرة واحدة ونقلب الى ان يترك الاناء نتركه يبرد خالص نضع العجينة فى محضرة الطعام ودة احسن بكتير.
ونبدا نضيف بيضة بيضة مع الفانيليا والليمون ونخلط الى ان تختفى البيضة نضيف الاخرى وهكذا.
ممكن تاخد ال 5 بيضات وممكن اربعة ويجب التوقف عن اضافة البيض.
لما العجينة تصبح لينة ودى نعرفها لما نرفع العجينة بالملعقة بتعمل شكل المنقار.
هنا انا حطيت العجينة فى كيس حلوانى وتختارى حجم القمع حسب الرغبة.
انا هنا استعملت الوسط نبدأ بالضغط لتنزيل الاصابع فى الزيت ونقطعها بالاصبع او المقص.
نضع الزيت علي النار يادوب يدفي من غير تسخين جامد ونضع بلح الشام بالقمع فوق الزيت وبالمقص نتحكم بالحجم والطول اللي عاوزينه.
وده شكله وهو على النار طبعا نقلبه حتى نحصل على لون ذهبى.
نطلعه من الزيت مباشرة علي الشربات ونرفع الطاسة بتاعه الزيت من علي النار.
علي ما نخلص بلح الشام ونشيله من الشربات نرجع نحط طاسة الزيت تاني علي النار ونقطع مباشرة.
وهنا انا اخدت جزء من بلح الشام بدون شربات من الزيت وحطتيه في سكر وقرفة وده شكله.
ويقدم بالهنا.
شرح فيديو عمل بلح الشام
وده فيديو شرح طريقة عمل بلح الشام اتمنى ان ينال اعجابكم.