انهاردة هشرح لكم طريقة عمل كلوب ساندويتش سهل وبسيط ومناسب للحفلات بالصور والخطوات وكمان شرح بالفيديو فى اخر الوصفة كأنك فى مطبخى فتابعوا معايا.
الكلوب ساندويتش هو نوع من انواع الساندويتشات السهلة والسريعة جدا مناسبة للافطار او العشاء او المناسبات والحفلات وممكن يقدم بشكل اصغر ميني ويكون ميني ساليزونات مناسبة للحفلات وممكن يقدم مربعات او مثلثات حسب الرغبة.
المكونات والمقادير
هنا تقريبية مش معايير محددة حسب الكميات المرغوبة وهنحتاج الي:
- باكيت توست طري.
- فص ثوم مفروم.
- ملعقتين زبدة لينة.
- صوصات (مايونيز كاتشب مستردة) حسب الرغبة.
مكونات حشو الكلوب ساندويتش
- اجبان شيدر.
- رومي مدخن.
- رستو مدخن.
- ببيروني.
- خس كابوتشا.
- شرائح طماطم.
- مخلل خيار.
طريقة عمل كلوب ساندويتش
ندهن الخبز التوست بالزبدة والثوم وممكن الاستغناء عنهم لكن بيطلعوا طعم غني وحلو جدا.
ونحمص التوست في ماكينة الساندويتش ميكر او في جريل على البوتجاز.
وهكذا الي ان ننتهي من كل الكمية ونحمصها بالشكل ده.
ونبدأ بوضع الصوصات حسب الرغبة ثم الخس.
ثم الطماطم ثم اللحوم المدخنة والجبن يعني نرص طبقات من الحشو.
الي ان ننتهي من الطبقات نضع قطعة التوست الثانية.
ونضع اعواد خشبية ونقسم الساندويتش الي قسمين بشكل مثلث أو ممكن بشكل مستطيل وممكن الي 4 مربعات ميني حسب الرغبة.
دة شكل الطبقات.
ويقدم بألف هنا بجانب بطاطس ممكن او مشروب برتقال حسب الرغبة.
شرح فيديو عمل كلوب ساندويتش
وده فيديو شرح طريقة عمل كلوب ساندويتش اتمنى ان ينال اعجابكم.