اليوم سأشرح لكم طريقة عمل عجينة الطعمية و ساندويتش الفلافل المصري بالصور والخطوات والتفصيل وكمان هيكون فيه شرح بالفيديو في اخر الوصفة كأنك في مطبخي فتابعوا معايا.
مقادير عجينة الطعمية او الفلافل
- كيلو فول مدشوش منقوع من الليل للصبح.
- نصف كيلو حمص شامي منقوع.
- كزبرة خضراء.
- بقدونس.
- كرات.
- 3 بصلات كبار.
- 6 فصوص ثوم.
- 2 شريحة توست مبلول ومعصور.
كيفية عمل عجينة الطعمية
هنقطع الخضار كلة ونخلطه علي الفول.
ونبدا نفرمة في المفرمة 3 ادوار علشان تنعم.
وده شكلها بعد الفرم.
وبكدة تكون العجينة جاهزة ممكن تعبأ فى اكياس فى الفريز.
وعند الحاجة نطلع الكيس ونضيف اليه الملح والشطة والكزبرة الناشفة وبيكربوناتو او باكينج بودر على طرف المعلقة ونخلطهم جيدا.
طريقة عمل ساندويتش الفلافل أو الطعمية
نقوم بتشكيل عجينة الطعمية او الفلافل اما الى دوائر او اصابع انا لما اكون هعملها ساندوتشات بفضل اعملها اصابع بتكون اسهل فى حشو الساندويتش وممكن نضيف اليها السمسم عند القلى ونجهز سلطة خضراء وبطاطس محمرة والخبز الشامى.
وهنا دى طريقتى فى عمل الساندويتش نفتح الرغيف الى نصفين يعنى راقين بهذا الشكل ونضع حبات الفلافل والبطاطس والسلطة وممكن رشة هوت صوص وممكن طحينة على طرف الدائرة بهذا الشكل.
ونلفه مع الضغط الخفيف عليه بالشكل دة.
واستمتعوا باحلى واطعم ساندوتش طعمية (فلافل بيتى) مضمونة وبالف هنا.
شرح فيديو عمل عجينة الطعمية و ساندويتش الفلافل
وده فيديو شرح طريقة عمل عجينة الطعمية و ساندويتش الفلافل اتمنى ان ينال اعجابكم.