الباذنجان أو البتنجان زى ما هو معروف فى مصر صنف ممكن يقدم كنوع من السلطة او ممكن يؤكل عادى كصنف جانبى تابعوا معايا شرح طريقة عمل الباذنجان بالخل والثوم بالصور والخطوات وشرح الفيديو كأنك في مطبخي فى نهاية الوصفة.
المكونات والمقادير
- كيلو باذنجان.
- 3 فص ثوم.
- فلفل أخضر.
- طماطم.
- ملعقة زيت.
- 2 ملعقة خل.
- رشة ملح.
- 1 رشة شطة (وممكن بدون الشطة).
طريقة عمل باذنجان بالخل والثوم
هنا انا قشرت الباذنجان وقطعته ورشيت عليه ملح وطبعا نحطه فى مصفاه.
ونحط تحته طبق علشان ينزل المياه اللى فيه وما يشربش زيت.
هنا انا قليت الباذنجان وكمان قليت فلفل رومى.
وقطعت طماطم مكعبات و3 فصوص ثوم مفرومين.
نجيب حلة ونحط فيها معلقة زيت ونشوح الطماطم مع الثوم.
وبعدين نضيف الخل عليه حوالى معلقة كبيرة.
نرص الباذنجان والفلفل الاخضر ونرش عليه كمون.
نضيف نصف كوب ماء فقط ويترك على النار الى ان يصفى المياه الموجودة فيه خالص ويتسبك شوية.
ويقدم بالهنا مع تحياتى.
شرح فيديو عمل الباذنجان بالخل والثوم
وده فيديو شرح طريقة عمل الباذنجان بالخل والثوم اتمنى ان ينال اعجابكم.