طبق اليوم عبارة عن أكلة شعبية نوعا ما لكنها مغذية ولذيذة ومفيدة جدا بروتينية جدا انهاردة هشرح لكم طريقة عمل قالب عجة البيض المصرى بطعم خطير بالصور والخطوات كاملة والشرح بالفيديو فى اخر الوصفة كأنك فى مطبخى فتابعوا معايا.
قالب العجة طبعا له اكثر من طريقة لكن اليوم هعمله ليكم بالطريقة الاصلية وطعم خطير جدا هيعجبكم.
المكونات والمقادير
- من 6 ل 7 بيضات كبيرة الحجم.
- نصف معلقة صغيرة ملح وفلفل وبابريكا وبصل بودرة.
- عصير ليمونة.
- نصف معلقة صغيرة خل.
- كوب من البقدونس المفروم ناعم.
- 2 حبة بصل مقطعة صغير او مفرومة ناعم.
- ثلاثة أرباع كوب دقيق.
- 2 معلقة كبيرة بقسماط ناعم.
- كوب ونصف عصير طماطم.
- ملعقتين زيت.
طريقة عمل قالب عجة البيض المصرى
في حلة علي النار نضع الزيت ونشوح فيه البصل.
ثم نضع عصير الطماطم ونتركها تتسبك خالص بالشكل ده.
ونتركها تبرد كويس.
ثم نضع البهارات والدقيق والقسماط والليمون والخل علي البيض ونخلط.
يصبح بالشكل ده.
نضيف البقدونس ونقوم بالخلط.
بالشكل ده.
ثم نضيف تسبيكة الطماطم الباردة علي الخليط السابق.
ونخلط جيدا.
تصب في قالب بايركس مقاس 25 × 25 وندخلها الفرن من تحت فقط يا دوب من ثلث لنصف ساعة بالكتير تتماسك فقط ومش محتاجة شواية.
وتؤكل مع الخبز بجانب أى صنف من أصناف السلطة أو المخلل ومناسبة في العشاء أو الغذاء عندما نشعر بالملل من تناول الأكل المعتاد.
وممكن أن تؤكل مع أي صنف بطاطس وبالهنا وتقدم مقطعة بهذا الشكل.
شرح فيديو عمل قالب عجة البيض المصري
وده فيديو شرح طريقة عمل قالب عجة البيض المصري اتمنى ان ينال اعجابكم.