انهاردة هشرحلكم طريقة عمل الباتون ساليه في المنزل بالخطوات السهلة كأنك في مطبخي فتابعوا معايا.
المكونات والمقادير
- 3/4 كوب ماء.
- 3/4 كوب زيت.
- 3 كوب دقيق.
- معلقة كبيرة سكر.
- بيضة واحدة.
- معلقة صغيرة ملح.
- معلقة كبيرة خميرة فورية.
- سمسم او كمون حسب الرغبة.
طريقة عمل الباتون ساليه
- نضع المقادير الجافة ثم البيضة و ندفى الماء مع الزيت ونضيفة بالتدريج ونعجن الى ان نحصل على عجينة لينة متماسكة.
- نغطى العجينة ونتركها تخمر.
- بعد تخمر العجينة هنا انا هقولكم على طريقة سهلة للتشكيل بدل ما ناخد قطعة قطعة.
- نفرد العجينة كلها على قليل من الزيت الى مستطيل كبير بسمك سم ونقطعها بسكينة البيتزا الى اعمدة متساوية.
- ثم ناخد عامود عامود ونلفه بسيط كدة باليد.
- ونرصه على صينية الفرن المدهونة زيت.
- طبعا نتحكم فى السمك حسب الرغبة واحنا بنقطع الاعمدة ندهنها بقليل من الحليب ونرش عليها سمسم وممكن كمون او حبة البركة حسب الرغبة ونتركها تخمر تانى وندخلها فرن متوسط علشان تقعد شوية فى الفرن تستوي وتقرمش.
- ويقدم بالهنا بعد تمام التسوية يارب يعجبكم.