انهاردة هشرح لكم طريقة عمل الشكشوكة بيض باللحمة المفرومة بالصور والخطوات والشرح بالتفصيل فى اخر الفيديو فتابعوا معايا.
وهو طبق سهل جدا ينفع فطار او عشاء او سحور بنستخدم فيه لحمة مفرومة معصجة وبقدونس مفروم وبيض وملح وفلفل فقط لا غير.
المكونات والمقادير
- لحمة مفرومة معصجة الكمية حسب الرغبة.
- بقدونس مفروم.
- بيض الكمية حسب الرغبة.
- ملح.
- فلفل.
طريقة عمل الشكشوكة بيض باللحمة المفرومة
الطريقة بمنتهي السهولة لو مش متوفر عندك لحمة مفرومة معصجة.
يبقي في نفس الطاسة تعصجي لحم مفروم ببصلة مبشورة وملح وفلفل ومعلقة سمنة.
ولما تستوي تنزلي عليها بالبقدونس ونقلب.
ثم نضيف البيض طبعا الكميات مفتوحة براحتك دي وصفات مرنة مش زي الحلويات.
لازم تتقيدي بمقدار لكن الاكل العادي مفيش مشكلة.
تضيفي كل حاجة براحتك خالص وممكن كمان نضيف مكعبات طماطم حسب الرغبة.
ونضع ملح وفلفل ونغطي عليها علي نار هادية ونتركها تستوي وتقدم بالهنا.
شرح فيديو عمل الشكشوكة بيض باللحمة المفرومة
وده فيديو شرح طريقة عمل الشكشوكة بيض باللحمة المفرومة اتمنى ان ينال اعجابكم.