معروف ان العيد فى مصر كلنا بنعمل التسالى بتاعته وهى الترمس وحمص الشام واللى بيطلق عليه اسم حلبسة. انهاردة هشرح لكم طريقة عمل تسالى العيد الترمس وحمص الشام بالصور والخطوات وطريقة التحضير فى اخر الوصفة بالفيديو فتابعوا معايا.
المكونات والمقادير
- ترمس الكمية حسب الرغبة.
- حمص الشام الكمية حسب الرغبة.
- ملح.
- كمون.
- ليمون.
- ثوم.
- فلفل أحمر.
طريقة عمل تسالى العيد
ننقع الترمس وحمص الشام في الماء من الليل للصبح بالشكل ده.
ثم نصفي ماء النقع ونغسلة ونحضر حلة فيها ماء نظيف جديد ونضع فيه الترمس.
وتوضع علي النار ونغطي الحلة الي ان تستوي.
بالنسبة للترمس بنصفيه من مياه السلق ونضع ماء نضيف في علبة مغلقة وملح ونضع فيه الترمس ونغير عليه الماء مرة كل يوم مع اضافة ملح.
أما الحمص فأنا هنا سلقته في حلة الضغط. هنضعه في حلة الضغط ونغطيه بالماء ونغلق حلة الضغط ونتركها حوالي عشر دقائق الي ربع ساعة ونطلع البخار منها ونكون متأكدين الاول قبل الفتح.
وانا موضحة كله في الفيديو هنا وطريقة استخدام حلة الضغط.
وبنحتفظ بالحمص في علبة مغلقة ونظبط الملح. ويوضع في الثلاجة للاستخدام عند الحاجة ونتبله بليمون وكمون.
ولو محتاجين نعمل حلبسة بنضيف ليمون ودقة الي حمص الشام عبارة عن فلفل احمر مفروم مع ثوم وكمون وملح وهوت صوص.
شرح فيديو عمل تسالى العيد الترمس وحمص الشام
وده فيديو شرح طريقة عمل تسالى العيد الترمس وحمص الشام اتمنى ان ينال اعجابكم.