وصفة اليوم هي طريقة عمل دونر شاورما الدجاج التركي بالصور والخطوات مش هتبطلي تعمليها من جمالها وهي علي الطريقة التركية اسمها دونر الدجاج سهلة جدا واحسن حاجة انها بتتحضر تحضير مسبق وتكون جاهزة علي النضج وكمان هيكون فيه شرح في اخر الوصفة بالفيديو كأنك في مطبخي نشوف مع بعض.
المكونات والمقادير
- عدد 1 كيلو من الدجاج الفيلية صدور او اوراك حسب الرغبة.
- نصف كوب ماء بصل.
- نصف كوب زبادي.
- 2 ملعقة صغيرة معجون طماطم (صلصة).
- 2 ملعقة صغيرة هريسة وهي عبارة عن فلفل احمر حار او بارد وممكن الاستغناء عنها حسب الرغبة.
- عدد 1 ملعقة صغيرة من كل مما يلي (ملح وفلفل اسمر وبابريكا وكزبرة وزعتر).
- رشة (ثوم وبصل بودرة ومرقة دجاج).
طريقة عمل دونر شاورما الدجاج التركي
نخلط كل المكونات السابقة مع بعضها لعمل التتبيلة ماعدا الدجاج.
نحضر الدجاج ونقوم بعمل فتحات بالسكينة.
الي ان ننتهي من كل الكمية نصب عليها خلطة التتبيلة.
ونتركها ليلة كاملة او علي الاقل 4 ساعات.
ثم نحضر ورق نايلون نفردة ونقوم برص وحدات الدجاج مفرودة فوق بعضها.
بالشكل دة الي ان ننتهي من كل الكمية نبدأ نلفها رول طويل.
ونضغط عليها واحنا بنلفها بهذا الشكل.
ولاحكام الغلق نلفها بفويل كمان.
ونضعها في الفريزر تتجمد.
ممكن نعمل الكمية اللي نحبها وتوضع في الفريزر لنستعملها عند الحاجة.
وقبل الاستعمال نطلعها قبلها بعشر دقائق ونفك النايلون ونمسكها بفوطة ونبدأ نقطع بالسكينة شرايح رفيعة حسب الرغبة.
بالشكل ده.
نقطع الكمية اللي عاوزينها والباقي نحتفظ بيه في الفريزر.
نحضر جريل ونضع فيه ملعقة سمنة او زبدة مع زيت ونضعه علي النار يسخن كويس ونبدأ بتشويح الدونر.
الي ان ينضج وياخد لون ذهبي.
وهو بيستوي بسرعة.
بالشكل ده.
نبدأ بعمل ساندويتشات الشاورما نستخدم عيش الشاورما الجاهز.
نضع طبقة من الدونر وبطاطس وخس وطماطم ومخلل الاضافات حسب الرغبة.
ونلفه رول ونضعه في الساندويتش ميكر او علي الجريل علشان نكبسه ونضغط عليه ويتقفل بالشكل ده.
يقطع حلقات سميكة.
ويقدم مع صوصات وبطاطس حسب الرغبة رائع جدا وبألف هنا.
شرح فيديو عمل دونر شاورما الدجاج التركي
وده فيديو شرح طريقة عمل دونر شاورما الدجاج التركي اتمنى ان ينال اعجابكم.