انهاردة هشرح لكم طريقة عمل طاجن الجمبري بالصوص الاحمر بالصور والخطوات وطريقة الجمبري الروبيان هنا هشرح فيها طريقة تنظيف سلسلة الظهر من الجمبري الروبيان وعمل الطاجن في الفرن بسهولة جدا وطعم رائع وكمان هيكون فيه شرح بالفيديو في اخر الوصفة كأنك في مطبخي فتابعوا معايا.
المكونات والمقادير
المقادير هنا تقريبية يعني ممكن تزيد او تقل حسب الرغبة.
- كيلو ونصف جمبري كبير.
- كوب عصير طماطم كبير.
- ملعقة كبيرة معجون طماطم (صلصة).
- واحد حبة كبيرة من الفلفل الاخضر.
- حبة كبيرة من الفلفل الاحمر او الالوان.
- حبة كبيرة من الطماطم.
- واحد حبة كبيرة من البصل.
- 5 فصوص ثوم مفروم او مقطع.
- عصير 2 ليمون.
- 2 ملعقة كبيرة زبدة.
- ملعقة كبيرة هريسة مفرومة او شطة حسب الرغبة.
- كمون.
- ملح.
- كزبرة.
- بابريكا.
- ثوم بودر.
- بصل بودر.
طريقة عمل طاجن الجمبري
اولا نقوم بتنظيف الجمبري عن طريق قص الشوارب وفتح الظهر وتنظيف السلسلة.
الي ان يصبح نظيف بالشكل دة وممكن نستغني عن فتح الظهر بالمقص ونشيل السلسلة بعود خشبي من عند الرأس.
نغسل الجمبري بالماء سريعا ثم نحضر الطاجن او الصينية اللي هندخلها الفرن ثم نضع الزبدة ونشوح الجمبري الي ان يتغير لونه.
نضيف البهارات وعصير الليمون ونستمر في التشويح.
نستمر في التشويح ثم نضيف الثوم وباقي الخضراوات ونشوح.
ثم نضيف عصير الطماطم.
واول ما يبدأ الطاجن في الغليان او لغيت لما نوصل للمرحلة دي نقوم بوضعه في الفرن.
كل ده مش بياخد وقت طويل اطلاقا لان الجمبري بيستوي بسرعة.
نضعه في الفرن ياخد لون ويقدم ساخن بالشكل دة روعة جدا وسهل جدا الطماطم هتكون شوربة لذيذة جدا يقدم مع ارز ابيض وبالهنا.
شرح فيديو طاجن الجمبري
وده فيديو شرح طريقة عمل طاجن الجمبري بالصوص الاحمر اتمنى ان ينال اعجابكم.