انهاردة هشرح لكم طريقة عمل كحك العيد زي المحلات بالصور والخطوات شامل لكل التركات والحركات والتفاصيل وكمان هيكون فيه شرح بالفيديو في اخر الوصفة كأنك في مطبخي فتابعوا معايا.
المكونات والمقادير
- كيلو دقيق منخول مع ذرة ملح.
- نصف كيلو سمنة بلدي او نيوزلاندي سايحة دافئة اهم حاجة سمنة وليس زبدة.
- 2 ملعقة كبيرة سكر.
- 3 ملعقة كبيرة سمسم محمص.
- ربع ملعقة صغيرة ريحة كحك.
- ملعقة صغيرة باكينج بودر.
- ملعقة كبيرة خميرة.
- نصف كوب ماء عادي.
وزن انتاج مقادير الكحك
المقدار السابق بيعمل بعد التسوية كيلو ونصف كحك سادة.
وفي حالة لو الكحك محشي بيعمل 2 كيلو إلا ربع.
تسوية الكحك السادة علي درجة 150.
اما تسوية الكحك المحشي علي درجة 180.
طريقة عمل كحك العيد زي المحلات
ندوب السكر مع الخميرة في الماء ويترك جانبا.
نضيف الدقيق مع السمسم والبودر وريحة الكحك ونقلب.
ثم نضيف السمن السايح الدافئ.
ونخلط بالمضرب الكف الي ان تتجانس المكونات ونحصل علي عجينة ناعمة.
نضيف مقدار الماء والخميرة.
ونخلط المكونات اول ما تندمج نوقف خلط مباشرة.
نضع العجينة في بولة ونغطيها بالنايلون وتوضع في الثلاجة من نصف ساعة الي ساعة.
نطلعها من الثلاجة بتكون متجمدة بسبب السمنة نكسرها كويس ونفتتها كويس جدا وتوضع مرة اخري في وعاء العجان.
ونبدأ مرحلة التنعيم وبس العجينة حتى نحصل علي عجينة طرية ناعمة بدون تشققات عند اخد كرة من العجن والضغط عليها تكون بدون تشققات في المرحلة دي نوقف خلط ولا نبالغ في خلط العجين وهنلاحظ ان لون العجينة بقى فاتح.
نبدأ نقسم العجينة الي كحكات صغيرة وزن القطعة 18 جرام.
نرص الكمية علي صينية وتغطي بالنايلون ونبدأ في التشكيل.
هنا دي اشكال مكبس الكحك او بصامات الكحك فيه منها استانلس ومنها بلاستيك.
البلاستيك المجوفة تستعمل في الكحك المحشي مكسرات والاستانلس في الكحك السادة.
ناخد كرة ونلفها بين راحتي اليد الي ان نحصل علي كرة طرية ناعمة.
ترص الكرات علي صينية فرن بدون اي دهان ونضغط بالبصامة علي الكحكة بهذا الشكل.
وكل ما ننتهي من صف كحك نبصمه مباشرة اول باول.
واول ما ننتهي من الصاج يدخل الفرن مباشرة الكحك السادة علي درجة حرارة 150 ولا يحتاج الي تخمير.
ولعمل كحك المكسرات.
نكسر عين جمل او اي نوع تفضلونه من المكسرات ونحضر قطعة من القماش الفيليه او الفوال وناخذ كرة ونجوفها وتحشي بعين الجمل ونغلق الكرة.
بهذا الشكل.
وترص الكرات علي صاج غير مدهون ونضع قطعة الفوال علي الكرة ونقوم بالضغط عليها بالمكبس البلاستيك المجوف.
بهذا الشكل.
الي ان ننتهي من الصاج ندخله مباشرة فرن مشغل مسبقا علي درجة حرارة 180.
انا هنا في الفيديو كنت عاملة 6 مقادير كل كيلو لوحدة.
ويحفظ في علب مغلقة بينهم طبقات من البلاستيك وعند التقديم يرش عليهم السكر البودرة ويقدم بالهنا.
شرح فيديو عمل كحك العيد
وده فيديو شرح طريقة عمل كحك العيد زي المحلات اتمنى ان ينال اعجابكم.