انهاردة هشرح لكم طريقة عمل الحواوشي السهل جدا بالصور في اقل من ساعة وطعم رائع وكمان هيكون فيه شرح بالتفصيل في الفيديو في اخر الوصفة فتابعوا معايا.
المكونات والمقادير
طبعا هنا المقادير مفتوحة حسب عدد الافراد ممكن تزيد او تقل حسب الرغبة.. وانا في الفيديو استعملت كيلو ونصف لحم وده اختياري حسب الرغبة.
- كيلو لحم مفروم.
- بصل.
- فلفل اخضر.
- حبة طماطم مفرومين في الكبة.
- توابل ملح وفلفل.
- 4 ملاعق لية او دهن مفروم.
- ثوم بودر.
- بصل بودر.
- بابريكا اختياري.
- عصير ليمونة.
- بصل مقطع شرايح رفيعة متبل بملح وفلفل اختياري.
- خبز ابيض او بلدي حسب الرغبة.
طريقة عمل الحوواشي السهل
في بولة عميقة نضع كمية اللحم المفروم مع التوابل مع البصل والطماطم والفلفل المفروم مع الدهن وعصير الليمون يعني بنجمع كل المكونات مع بعض ماعدا البصل الشرايح.
ونخلط كل المكونات جيدا.
انا بفضل اقسم رغيف الخبز الي نصفين وده حسب الرغبة.
نضع كمية من الحشو داخل الخبز ونفردها جيدا باليد.
وهنا اضافة البصل اختياري نضع جزء من البصل فوق اللحم بهذا الشكل.
يلف كل رغيف مع بعض في ورق زبدة او ورق فويل.
بهذا الشكل.
يرص علي صينية فرن وندخله فرن ساخن مسبقا بياخد من ساعة الي ساعة إلا ربع حسب الكمية.
نطلعه من الفرن نفتح الفويل.
بيكون واخد لون ذهبي جميل بالشكل ده.
يقدم مع شرائح طماطم وخيار وخس وبطاطس محمرة وكاتشب حسب الرغبة.
ويقدم ساخن وبألف هنا.
شرح فيديو عمل الحوواشي
وده فيديو شرح طريقة عمل الحوواشي السهل اتمنى ان ينال اعجابكم.