انهاردة هشرح لكم طريقة عمل ميني دونات كيك دونات الماكينة بطعم خرافي بالصور والخطوات وكمان هيكون فيه شرح بالفيديو في اخر الوصفة كأنك في مطبخي فتابعوا معايا.
المكونات والمقادير
- 170 جرام دقيق منخول.
- ذرة ملح.
- 7 جرام باكينج بودر.
- 2 بيضة.
- فانليا.
- عصرة ليمون.
- معلقة صغيرة محسن جيل كيك ان وجد.
- 150 جرام سكر بودرة.
- 75 جرام زبدة.
- 35 جرام زيت.
- 115 مل حليب.
طريقة عمل ميني دونات كيك دونات الماكينة
في وعاء العجان نضع الزبد مع الزيت والسكر والبيض والمحسن والفانليا والليمون مع بعض ونخلط.
الي ان يصبح لونة فاتح وهش بالشكل ده.
نضيف الحليب ثم الدقيق مع البودر والملح ونخلط.
ونخلط الي ان نحصل علي خليط كيك متجانس.
نسخن جهاز الدونات قبل ما نبدأ في الوصفة تسخين جيد جدا.
وندهن عيون الماكينة بالزبدة ده شكل الجهاز من الداخل.
نملئ التجويف بخليط الدونات كمية نفس حجم العين بدون زيادة او نقص.
ونغلق الجهاز وننتظر الي ان تنضج وحدات الدونات حوالي 7 الى 10 دقائق حسب حجم الجهاز ونوعه نجرب ونعرف مدة التسوية الصح.
نراعي عدم فتح الجهاز قبل ما تستوي حبات الدونات بيكون فيه اضاءة حمراء واضاءة خضراء.. الاضاءة الحمراء شغالة دايما اما الاضاءة الخضراء نسيبها تشتغل وتطفي مرتين دى مدة التسوية الصح.
حجمها ميني صغير ممكن نزينها بصوص شيكولاته او شيكولاتة ألوان وممكن نعمل عليها اشكال زي كده وتقدم بالهنا.
شرح فيديو عمل دونات الماكينة
وده فيديو شرح طريقة عمل ميني دونات كيك دونات الماكينة اتمنى ان ينال اعجابكم.