انهاردة هشرح لكم اسهل طريقة عمل المحوجة الصفراء الهشه والمقرمشة بالصور والخطوات وكمان هيكون فيه شرح بالفيديو للمحوجة والتحويجة في اخر الوصفة كأنك في مطبخي فتابعوا معايا.
المكونات والمقادير
المقادير تكفي لعمل صاج مقاس 40 × 60 بالاضافة الي صينية صغيرة مقاس 24.
- كيلو دقيق.
- نصف كيلو سكر بودرة.
- نصف كيلو زيت.
- نصف كوب تحويجة من العطار.
- 2 معلقة كبيرة نشادر.
- ذرة ملح.
- من نصف كوب لكوب إلا ربع ماء عادي.
- نصف كوب سمسم.
طريقة عمل المحوجة الصفراء
نضع الدقيق مع الملح وننخل السكر البودر والتحويجة والنشادر يعني كل المكونات الجافة مع بعض.
ونقلب المكونات ثم نضيف الزيت ونخلط.
ثم نضيف الماء ونبدأ بنصف كوب وعلي حسب احتياج العجينة ممكن تزيد لكوب إلا ربع.
الي ان نحصل علي عجينة لينة سهلة الفرد.
تفرد في صاج مقاس 60 × 40 بسمك رفيع واحد سم.
ويرش السمسم علي الوجه ونضغط عليه ضغطة خفيفة كده باليد.
وتقطع قبل دخول الفرن.
تخبز في فرن مسخن مسبقا حوالي عشر دقائق الي ان تاخذ لون ذهبي.
شرح فيديو عمل المحوجة
وده فيديو شرح طريقة عمل المحوجة الصفراء اتمنى ان ينال اعجابكم.