انهاردة هنشرح ليكم طريقة عمل الزلابية او لقمة القاضي او العوامات وسر القرمشة الجميلة والشكل المضبوط والشرح هيكون بالصور والخطوات وكمان هيكون فيه شرح بالفيديو في اخر الوصفة تقدروا من خلاله تسمعوا صوت القرمشة فتابعوا معايا.
المكونات والمقادير
- 2 كوب ماء دافي.
- 3 كوب دقيق.
- نصف كوب بودرة كاسترد والبديل نشا.
- معلقة كبيرة سكر.
- معلقة كبيرة خميرة.
مقادير الشربات
- 2 كوب سكر.
- 2 كوب ماء.
- عصير نصف ليمونة.
- فانيليا.
مكونات التقديم
- نوتيلا لوتس بيستاشيو.
- شربات او شيرة.
طريقة عمل الزلابية او لقمة القاضي او العوامات
نخلط الدقيق مع الخميرة والسكر وبودرة الكاسترد.
ثم نخلطهم مع الماء الدافي.
ونخلطهم جيدا باليد او بمضرب يدوي الي ان نحصل علي خليط سايل نسبيا وناعم.
بالشكل دة.
نغطيها ونتركها تخمر.
وبعد ما تخمر ننزل التخمير بخلطها مرة اخري ونبدأ مباشرة في التشكيل.
ونكون مجهزين زيت علي نار متوسطة.
وكوب صغير فيه ماء ومعلقة معيارية صغيرة.
نبدأ بالتشكيل ناخد العجين في قبضة اليد ونعمل كورة وناخدها بالمعلقة المعيارية وكل مرة نضع المعلقة في الماء حتى يسهل نزول العجين الطريقة موضحة بالتفصيل في الفيديو.
نقلب الزلابية في الزيت تاخذ لون ذهبي فاتح بالشكل دة نشيلها من الزيت ودي المرحلة الاولي ونتركها جانبا الي ميعاد التقديم نرجع نقليها تاني ودة سر القرمشة في القلي مرتين وكمان اضافة بودرة الكاسترد.
دي كدة اول مرحلة باللون دة.
ونقلي تاني مرة الي ان نصل الي اللون الذهبي الجميل دة.
نبدا في التزين حسب الرغبة سواء شيكولاته النوتيلا او اللوتس او الفزدق او الشربات او السكر البودرة وتقدم دافئة بتكون هشة ومقرمشة جدا تحفة بجد واسمعوا صوت القرمشة في الفيديو.
شرح فيديو عمل الزلابية او لقمة القاضي او العوامات
وده فيديو شرح طريقة عمل الزلابية او لقمة القاضي او العوامات اتمنى ان ينال اعجابكم.