انهاردة هشرح لكم طريقة عمل بيتيفور (بيتي فور) ناعم ومضبوظ جدا ولا احسن محلات حلواني بالصور والخطوات وكمان هيكون فيه شرح بالفيديو في اخر الوصفة فتابعوا معايا.
المكونات والمقادير
- كيلو دقيق.
- 750 جرام زبدة.
- 200 جرام سكر.
- 2 بيضة كاملة.
- صفار بيضة واحدة.
- فانيليا.
- عصرة ليمون.
- معلقة صغيرة باكينج بودر.
مقادير عمل بيتي فور بالشيكولاته
- لعمل البيتيفور بالشيكولاته هنستخدم نفس المقدار لكن هنشيل من الدقيق نصف كوب ونستبدله بنصف كوب كاكاو خام بدون سكر.
مكونات تزين البيتي فور
- شيكولاته خام سايحة.
- مكسرات.
- فستق.
- بندق مجروش.
- فارماسيلا حسب الرغبة.
- مربى مشمش.
طريقة عمل بيتيفور (بيتي فور) ناعم
نخفق الزبد مع السكر الي ان يصبح لونها فاتح.
ثم نضيف البيض والفانليا والليمون ونخفق ثم الدقيق والبودر ويا دوب نلم العجينة فقط.
نحصل علي عجينة ناعمة.
ده البيتي فور الابيض وفي حالة الشيكولاته هنشيل نصف كوب دقيق ونضيف نصف كوب كاكاو خام بدون سكر ونفس الطريقة.
نضع جزء من العجينة في كيس حلواني باستعمال القمع ونبدأ بالتشكيل علي صينية غير مدهونة خالص ضغطة خفيفة بحجم معقول ونراعي يكون نفس الحجم.
ونراعى ايضا عدم ملئ الكيس للاخر بالعجين يفضل جزء صغير يخلص نضع غيره وهكذا.
يخبز في فرن مسخن مسبقا مش بياخد وقت حوالي عشر دقايق نتابعه فيها.
ده بيكون شكله بعد التسوية.
نبدأ في تزيينه نضع شيكولاته علي ظهر البيتي فور ونلصق فيها قطعة اخرى وتغمس طرف في شيكولاته ثم في المكسرات وهكذا وتقدم بالهنا.
شرح فيديو طريقة عمل بيتيفور (بيتي فور) ناعم
وده فيديو شرح طريقة عمل بيتيفور (بيتي فور) ناعم ومضبوظ جدا اتمنى ان ينال اعجابكم.