انهاردة هشرح ليكم طريقة عمل بسكويت اليانسون الهش والمقرمش بالصور والخطوات وكمان هيكون فيه شرح بالفيديو في اخر الوصفة كأنك في مطبخي فتابعوا معايا.
المكونات والمقادير
- 310 جرام دقيق.
- 135 جرام سكر ناعم الحبيبات وليس بودرة.
- 170 جرام زيت.
- 4 بيضات.
- فانليا.
- 2 ملعقة كبيرة يانسون مطحون نصف طحنة.
- 2 ملعقة كبيرة باكينج بودر.
طريقة عمل بسكويت اليانسون
نخلط البيض مع الفانليا والزيت والسكر.
نخفقهم بمضرب يدوي او نضربهم في الخلاط الي ان يصبح لونهم فاتح بالشكل دة.
نضيف الباكينج بودر مع اليانسون ونخلطهم.
ثم نضيف المواد الجافة علي خليط المواد السائلة ونخلط بمعلقة خشب او اسباتيولا.
الي ان تمتزج وتختلط كل المكونات مع بعض.
نفرد الخليط في صينية مقاس 30 × 40 مدهونة زيت وندهن اليد بالزيت ايضا ونساوي السطح جيدا.
ندخلها فرن مسخن مسبقا علي درجة حرارة 170 الي ان تاخذ لون ذهبي.
نطلعها مباشرة من الفرن ونقطعها الي اعمدة واصابع بالشكل ده ونهدي الفرن.
ونرص الاصابع في نفس الصينية علي الجنب كلها جنب بعضها وندخلها الفرن مرة تانية نحمصها كويس جدا.
ونتركها تبرد وتحفظ في علبة محكمة الغلق حتى لا تتعرض الى الرطوبة.
ويقدم بالف هنا لذيذ جدددا وسهل جدددا.
شرح فيديو عمل بسكويت اليانسون
وده فيديو شرح طريقة عمل بسكويت اليانسون اتمنى ان ينال اعجابكم.