انهاردة هشرح لكم طريقة عمل محشي ورق الخس بالصور والخطوات وكمان هيكون فيه شرح بالفيديو في اخر الوصفة كأنك في مطبخي فتابعوا معايا.
المكونات والمقادير
المقادير اللى هنستخدمها هنا هتكون تقريبية يعني نزود او نقلل حسب الرغبة.
- اوراق خس بلدى.
- 3 كوب عصير طماطم.
- 3 كوب أرز منقوع ومغسول.
- 3 ملاعق صلصة معجون طماطم.
- بصلتين كبار مبشورين او مقطعين صغير حسب الرغبة.
- 5 فصوص ثوم مفروم.
- نصف كوب كزبرة خضراء مقطعة.
- نصف كوب بقدونس اخضر مقطع.
- شوربة للتسوية.
- مكعبين مرقة ماجي.
- توابل المحشي المفضلة عند كل شخص منها (ملح وفلفل اسمر وبابريكا وثوم وبصل بودر وكزبرة ناشفه).
طريقة عمل محشي ورق الخس
هنا ده شكل اوراق الخس بنغسلها فقط بماء دافئ بدون سلق.
وهنا نبدأ في عمل التسبيكة لخلطة المحشي.
في حلة علي النار نضع زيت علي 3 ملاعق كبيرة سمن وننزل بالبصل والثوم ونشوح.
ثم نضيف عصير الطماطم والصلصة.
ونقلب ونغطي عليها ونتركها تتسبك.
نكون ناقعين الارز ونصفيه كويس ونضيفه للتسبيكة.
ثم نضيف الخضرة المقطعة.
ونضيف التوابل ونقلب كل الخلطة.
نبدأ في الحشو ناخذ ورقة من الخس ونبدأ بالجزء العريض ونخلي الجهة الناعمة تحت والخشنة فوق.
نضع مقدار ملعقة صغيرة علي الطرف.
ونبدأ بلف الورقة زي السمبوسة بشكل مثلث.
الي ان ننتهي من الورقة.
بالشكل ده ونكرر نفس الخطوات في كل الاوراق ويرص في حلة بجانب بعض.
نغطي سطح المحشي بطبق او غطاء حلة اصغر شوية يكون ملامس للمحشي نفسه ونضيف الشوربة المغلية.
ونغطيه ونتركه يتشرب الشوربة ثم بعد ذلك نرفع الطبق ونهدي النار ونتركه يستوي علي الهادي.
ويقدم ساخن بالف هنا لذيذ جدا ونوع من التغيير.
شرح فيديو عمل محشي ورق الخس
وده فيديو شرح طريقة عمل محشي ورق الخس اتمنى ان ينال اعجابكم.