انهاردة هشرح لكم طريقة عمل صينية البطاطا الحلوة لزوم الشتاء والدفى بالصور والخطوات وكمان شرح بالتفصيل بالفيديو في اخر الوصفة كأنك في مطبخي فتابعوا معايا.
المكونات والمقادير
- 6 حبات بطاطا حمراء حلوة كبيرة مقشرة ومقطعة حلقات.
- كوب سكر.
- كوب ونصف ماء.
- مكسرات حسب الرغبة.
مكونات عمل البشاميل
- 2 كوب حليب.
- كوب من ماء سلق البطاطا.
- 3 ملاعق كبيرة دقيق.
- معلقة كبيرة سمنة.
طريقة عمل صينية البطاطا الحلوة
لسلق البطاطا.
نضعها في حلة مع السكر ومقدار الماء وترفع علي النار الي ان يتم طهيها بالكامل وهنلاحظ ان ماء السلق اتركز كدة وتقل وطبعا مسكر.
هنشيل منه كوباية هنستعملها في البشاميل.
هنا البطاطا بعد السلق نضع عليها المكسرات ونهرسها.
لعمل الصوص الابيض الكريمة.
نضع كمية الحليب مع كوب ماء سلق البطاطا مع الدقيق مع السمن علي البارد ونقلب اولا ثم يرفع علي النار.
ثم يرفع علي النار مع التقليب المستمر.
ناخذ منها حوالي كوب ونضعه علي خليط البطاطا والمكسرات ونقلب الخليط.
ثم يفرد في صينية.
ونساوى السطح ونضع علي الوجه باقي كمية الصوص الابيض وندخلها فرن تحت الشواية تاخد لون ذهبي.
وتقدم ساخنة حلوة جدا في الشتاء وبتدفي.
وده شكلها النهائي وبالهنا والشفا
شرح فيديو عمل صينية البطاطا الحلوة
وده فيديو شرح طريقة عمل صينية البطاطا الحلوة اتمنى ان ينال اعجابكم.