انهاردة هشرح لكم طريقة عمل كرات بسكويت الشيكولاته ضيافة سهلة وبسيطة باقل الامكانيات بالصور والخطوات وكمان هيكون فيه شرح بالفيديو في اخر الوصفة كأنك في مطبخي فتابعوا معايا.
المكونات والمقادير
- هنحتاج اي نوع بسكويت متاح.
- ملعقة من الكاكاو لتعزيز الطعم.
- من 4 الى 5 ملاعق كبيرة نوتيلا او جناش.
- وممكن زبدة فول سوداني او لوتس او فستق حسب الرغبة.
- كوب شيكولاتة خام ذائبة مع ملعقة زيت فقط.
- وانا في الفيديو استعملت معلقة كبيرة زبدة لينة ممكن نستغني عنها عادي جدا.
الوصفة هنا ملهاش مقدار ثابت حسب الحاجة.
طريقة عمل كرات بسكويت الشيكولاته ضيافة
الطريقة اولا نطحن البسكويت ناعم في الكبة بالشكل دة.
او في محضرة الطعام الي ان يصبح رملي.
نخلط كل المقادير مع البسكويت.
ونعجن البسكويت الي ان تتماسك الحبيبات مع بعض نضيف عامل الربط بالتدريج سواء نوتيلا او جناش او اي بدائل انا ذكرتها في المقادير.
نقوم بعمل كرات متساوية الحجم بالشكل دة.
ونحضر الشيكولاتة الخام الذائبة.
نضع كرات بسكويت الشيكولاته واحدة واحدة بواسطة شوكة في الشيكولاتة السايحة.
ونصفيها كويس بالشوكة وتوضع علي كيس نايلون وتزين بخطوط من الشيكولاتة عشوائية وممكن اسبرنكل او مكسرات اي تزيين تحبوة.
ونتركها تتماسك لو الجو برد ولو الجو حار توضع في الثلاجة الي ان تتماسك تقدم.
توضع في ورق تقديم او بدون حسب الرغبة.
وتقدم كضيافة بديل الشيكولاتة لذيذة جدا وسهلة وشيك.
شرح فيديو طريقة عمل كرات بسكويت الشيكولاته ضيافة
وده فيديو شرح طريقة عمل كرات بسكويت الشيكولاته ضيافة اتمنى ان ينال اعجابكم.